গীতসংহিতা 81:14 - Chakma Bible

¹⁴ সালে যাদিমাদি মুই তারার শত্রুগুনোরে দোঙেদুং, তারার শত্রুগুনোর বিরুদ্ধে মঅ আঢ্‌তানি তুলিদুং।

গীতসংহিতা 81:14 Iomraidhean Croise

গীতসংহিতা 47:3

অন্য জাদ্‌তুনোরে তে আমা তলেদি গরে, আমা টেঙত্ তলে তারারে রাগায়।

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

দ্বি’লম্বর বিররণ 10:12

ইস্রায়েলীয়গুন, তমা গোজেন লগেপ্রভু ইক্কিনে তমাত্তুন্‌ কি চায়? তে বানা চায়দে যেনে তুমি তমার্‌ গোজেন লগেপ্রভুরে ভোক্তি গরঅ, সিয়েনি পৌইদ্যেনে তার্‌ পধন্দি চল্লো, তারে কোচ্‌পেবা, তমার বেক মনান-পরাণান দিইনে তারে সেবা গরঅ আর তমার্‌ গম কামত্তে এচ্চ্যে মুই তমা ইদু লগেপ্রভুর্‌ যেদক্কানি উগুম্‌ আর সুদোম দুয়োঙর্‌ সিয়েনি পালন গরঅ।

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।