গীতসংহিতা 81:10 - Chakma Bible

¹⁰ মুয়ই লগেপ্রভু, তমা গোজেন; মুয়ই মিসর দেজত্তুন্ তমারে নিগিলে আন্যং। তুমি দাঙর্ গুরি মুয়োন আহ্ গর্, মুই সিয়েন ভোরেই দিম।

গীতসংহিতা 81:10 Iomraidhean Croise

গীতসংহিতা 107:9

যিগুনোর মনত্ আওজ্ আঘে তে তারার তিরেস্ মিটেই দে, আর যিগুনোর মনত্ পেট্‌পরা আঘে গম গম জিনিস্‌ছোই তে তারারে হাবেই দে।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 20:3

মঅ জাগানত্‌ কনঅ‌ দেবেদারে ন-রাগেবা।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

হোশেয় 8:3

মাত্তর্ যিয়েন গম্ ইস্রায়েলে সিয়েন এলাফেলা গোজ্যে, সেনত্তে শত্রুবো তা পিজেদি লোড়েব।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

দ্বি’লম্বর বিররণ 5:7

মর্‌ জাগানত্‌ কনঅ দেব-দেবেদা মুজুঙোত্‌ ন-আনিবা।

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।

যিহোশূয় 24:23

যিহোশূয় কলঅ্‌, “সালে তমা ভিদিরে যিদুক্কুন্‌ দেব-দেবেদা আগন্‌ সিগুনোরে ইক্কিনে তুমি দূর্ গুরি দুয়ো আর ইস্রায়েলীয়গুনোর গোজেন লগেপ্রভু উগুরে তমার মনানি রাগঅ।”

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।