গীতসংহিতা 73:4 - Chakma Bible

⁴ কিত্তে মুরিবার কাদাল্যে তারা দুঘ্ ন-পান্ আরে তারার কিয়্যেগানিয়ো বেশ্ পক্তামক্তা থায়।

গীতসংহিতা 73:4 Iomraidhean Croise

ইয়োব 15:27

“তা মুয়োন্‌ তেল্লোই দাদঅ ওই যেইয়্যে আর কমরবো দাঙর্‌ ওইয়্যেদে য়েরালোই।

ইয়োব 21:13

তারা গমেডালে তারার্‌ দিনুন্‌ কাদান্‌ আর সুগে-শান্দিয়্যে গোরত্‌ লামি যান।

ইয়োব 24:20

মাবো তারারে ভুলি যায়, পুগ্‌‌কুনে তারার কিয়্যেগান হেই ফেলান্; বজং মানুচ্চুনোরে কনজনে মনত্ ন-রাগান, তারা গাজ ধোক্ক্যেন ভাঙি পড়ন্।

গীতসংহিতা 17:10

তারার বাজে মনর্ দুয়োরান তারা নাঢি রাগেয়োন; তারার্ মুয়োদি বার্বো কধা নিগিলে।

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

উপদেশক 2:16

মান্‌জ্যে ভুলোরে যেধোক্ক্যেন্ মনত্ ন-রাগান্ সেধোক্ক্যেন্ জ্ঞানীবলারেয়ো বেশ্ মনত্ ন-রাগান্; আগামিদি এ দ্বিজনরে মান্‌জ্যে ভুলি যেবাক্। ভুলো যেধোক্ক্যেন্ মুরি যায় জ্ঞানী মানুচ্চোয়ো সেধোক্ক্যেন্ গুরি মুরি যায়।

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।