গীতসংহিতা 71:3 - Chakma Bible

³ তুই মর্ আশ্রয়-মুড়ো অ যিবে ইদু মুই নিত্য যেই পারং। তুই মর্ অজল্ মুড়ো আর ঘর, সেনত্তে মরে রোক্ষ্যে গুরিবাত্তে উগুম দুয়োচ্।

গীতসংহিতা 71:3 Iomraidhean Croise

গীতসংহিতা 144:2

তেয়ই মর্ বিশ্বেজ্ গুরিবার সাহায্যগুরিয়্যে, মর্ ঘর, মর্ অজল্ আশ্রয় জাগা আর উদ্ধোরগুরিয়্যে; তেয়ই মর্ ঢাল্, মুই তাইদু আশ্রয় নেযাং; তেয়ই মঅ মানুচ্চুনোরে মঅ অধীনোত্ আনে।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 18:3

লগেপ্রভুরে নাঙ্ গিনিবার, মুই তারে ডাগং; সেক্কে মর্ শত্রুগুনো আঢত্তুন্ মুই রোক্ষ্যে পাং।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 44:4

ও গোজেন, তুয়ই মর্ রাজা; যাকোবর জিদেনার বেবস্থাগান তুয়ই গর্।

গীতসংহিতা 68:28

তর্ গোজেন ইত্তুন তর্ বলান এচ্চ্যে। ও গোজেন, তর্ বলান দেগা, আঘে যেবাবোত্যেগুরি তুই আমা তপ্পে কাম গুরি দেগেয়োচ্।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

গীতসংহিতা 91:9

“ও লগেপ্রভু, তুয়ই মর্ আশ্রয়র জাগা।” তুই ঠিগ্ গোজ্যস্‌ছে দাঙর্ গোজেনে তর থেবার জাগা;

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’