গীতসংহিতা 70:2 - Chakma Bible

² যিগুনে মরে মারে ফেলেবার চেরেস্তাদ্ আগন্ তারা লাজত্ পোড়োদোক্ আর অগমান ওদোক্; যিগুনে মর্ সর্বনাশ দেগিবাত্তে চান তারা মাধাবো তলেন্দি গুরি ফিরি যাদোক্।

গীতসংহিতা 70:2 Iomraidhean Croise

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গীতসংহিতা 141:1

ও লগেপ্রভু, মুই তরে ডাগঙর্, তুই যাদিমাদি মইদু আয়; মুই ডাগিলে তুই শুনিচ্।

গীতসংহিতা 22:12

মর্ চেরোকিত্তে রোইয়োন যেন বলদ্ গোরুর পাল; যেনে বাশন দেজর্ বোলী বলদ্ গোরুগুনে মরে ঘিরি ধোজ্যন্।

গীতসংহিতা 22:20

তলোয়ার মুয়োত্তুন্ মর্ পরাণান, সেই কুগুরুনো মুয়োত্তুন্ মর্ জিংকানিগান তুই রোক্ষ্যে গর্।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 35:4

যিগুনে মরে মারে ফেলেবাত্তে চাদন্ তারা লাজত্ আর অসর্মানত্ পোড়োদোক্; যিগুনে মর্ সর্বনাশর কুজুরোমি গত্তন্ তারা অগমান্ ওইনে ফিরি যাদন্।

গীতসংহিতা 40:14

যিগুনে মরে মারে ফেলেবার চেরেস্‌তাত্ আগন্ তারা বেক্কুনে লাজত্ আর অগমানত্ পোড়োদোক্; যিগুনে মর্ নাশ দেগিবাত্তে চান তারা মাঢাবো তলে গুরিনে ফিরি যাদোক্।

গীতসংহিতা 6:10

মঅ শত্রুগুনে বেক্কুনে লাজত্ পরিবাক্ আর দোরেবাক্; তারা ফিরি যেবাক্, আদিক্ক্যেন্‌গুরি লাজত্ পুরিবাক্।

গীতসংহিতা 71:12

ও গোজেন, তুই মত্তুন্ দুরোত্ ন-থেচ্; ও মর্ গোজেন, মরে এজাল্ দিবাত্তে তুই যাদিমাদি আয়।

গীতসংহিতা 71:13

মর্ বিপক্কগুনে লাজত্ পোড়োদোক্ আর ভস্ত ওদোক্; যিগুনে মরে দযাত্ ফেলেবার চেট্টাদ্ আগন্ তারা ঈচ্ গরা হেইনে আর অগমানে নাঢা যাদোক্।

যিশাইয় 28:13

সেনত্তে তারা ইদু লগেপ্রভুর কধাগান্ অবদে, “ইয়েন্ গরঅ, উবোন্ গরঅ, এ সুদোমান্ মানঅ, উই সুদোমান্ মানঅ, ইয়োত্ আঘে, উবোত্ আঘে,” যেনে তারা যেইনে পিজেদি পড়ন্ আর আঘাত পেইনে ফালত্ ধরা পড়ন্।

যিশাইয় 41:11

যিগুনে তঅ উগুরে রাগ্ গরন তারা বেক্কুনে ঘেচ্চেক্‌গুরি লাজত্ পড়ন্ আর অসর্মান অবাক্। যিগুনে তঅ বিরুদ্ধে যান তারার্ কনঅ চিহ্নো ন-থেবঅ; তারা ভস্ত ওই যেবাক্।

যোহন 18:6

যীশু যেক্কে তারারে কলঅ, “মুয়ই সিবে,” সেক্কে তারা পিজেদি যেইনে মাদিত্ পড়ি গেলাক্।