গীতসংহিতা 7:2 - Chakma Bible

² সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

গীতসংহিতা 7:2 Iomraidhean Croise

২ শমূয়েল 14:6

তর্‌ এ চাগরানীবোর্‌ দ্বিবে পূঅ এলঅ। তারা একদিন্যে মাদত্‌ মারামারি গত্তন্‌ আর সিয়েনত্‌ এন্‌ কনজনে তারারে কারি লবার মানুচ্ ন-এলাক্। সেনত্তেই তারা দ্বিজনেই মুরি গেলাক্।

ইয়োব 10:7

তুই দঅ হবর্‌ পাজ্‌ মুই দুযি নয় আর তঅ আঢত্তুন্‌ উদ্ধোর্‌ গুরিয়্যে কনজন নেই।

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 11:1

মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 17:12

তারা সিংহ ধোক্ক্যেন শিগেরত্তে পাগল, যেনে আন্দলে হাফ্‌‌দি থেইয়্যে দামাড়া সিংহ।

গীতসংহিতা 22:13

শিগের্ তোগেবাত্তে সিংহগুনে যেধোক্ক্যেন্ গুজুরোন্, সেধোক্ক্যেন্ গুরি তারা মঅ বিরুদ্ধে মুয়োন্ আহ্ গোজ্যন্।

গীতসংহিতা 31:2

মঅ কধাগান শুন্; মরে উদ্ধোর্ গুরিবাত্তে তুই যাদিমাদি আয়। মরে রোক্ষ্যে গুরিবাত্তে তুই মর্ আশ্রয়-মুড়ো অগি আর মর্ ঘর্ অগি।

গীতসংহিতা 35:15

মাত্তর্ মুই যেক্কেনে উজোত্ হেলুং সেক্কেনে তারা হুজি ওইনে একযদা অলাক্। সে আক্রমণ গুরিয়্যেগুনে মুই হবর্ ন-পেইয়্যেগুরি মঅ বিরুদ্ধে একযদা অলাক্। তারা মরে আমিঝে গিয়েল্ দিয়্যে ধুরিলাক্।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গীতসংহিতা 59:2

যিগুনে বজং কাম গুরি বেড়ান্ তারার আঢত্তুন্ মরে উদ্ধোর গর্; খুন গুরিয়্যেগুনোর আঢত্তুন মরে বাঁজা।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

যিশাইয় 38:13

বেন্যে পহ্‌র ন-অনা সং মুই নিজোরে শান্ত রাগেলুং। সিংহ ধোক্ক্যেন গুরি মঅ আড়ুন তুই ভাঙি দিলে; এক দিনো ভিদিরে তুই মরে শেজ্ গুরি দিবে।‌‍‌‌‌

দ্বি’লম্বর বিররণ 33:20

গাদ পৌইদ্যেনে তে কোইয়্যেদে, “বর্ পেইয়্যে তে, যিবে গাদ রেজ্যর দুযিগান বাড়েব। তে সিংহ ধোক্ক্যেন বুঝিবো আর শত্রুগুনোর মাদা আর আঢ্‌তানি ছিনিবো।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

বিচের গুরিয়্যেগুন 18:28

লয়ীশোর মানুচ্চুনোরে রোক্ষ্যে গরেদে ধোক্কেন্‌ কনজন ন-এলাক্‌, কিত্যে তারার্‌ শঅ্‌রান সীদোনত্তুন ভালোদ্দুরোত্‌ এলঅ আর অন্য কনঅ মান্‌জ্য সমারে তারার মিলেমিছে ন-এলঅ। তারার শঅ্‌রান অলদে বৈৎ-রহোব শঅ্‌রর ইদু এক্কান্‌ কিঝিঙোত্‌। দান-গুট্টির মানুচ্চুনে শঅ্‌রান আরঅ বানেইনে সিদু বজত্তি গরা ধুরিলাক্‌।