গীতসংহিতা 7:1 - Chakma Bible

¹ ও লগেপ্রভু, মর্ গোজেন, মুই তইদু আশ্রয় নেযেয়োং। যিগুনে মঅ পিজেন্দি লোড়েইনে এত্তন্ তারার্ আঢত্তুন্ তুই মরে উদ্ধোর্ গর্, মরে রোক্ষ্যে গর্।

গীতসংহিতা 7:1 Iomraidhean Croise

গীতসংহিতা 11:1

মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

গীতসংহিতা 13:3

ও মর্ গোজেন লগেপ্রভু, মন্দি চাহ্, মরে জোব্ দে; মঅ বলান্ ফিরেই দে, ধগেনলে মঅ উগুরে এবদে মরণ ঘুমান্।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 3:7

ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 30:12

যেনে মঅ মনান্ অলর্ গুরি ন-থায় বরং তঅ নাঙে গান গুরিবো। ও লগেপ্রভু, মর্ গোজেন, মুই জিংকানিবর্ তরে ভালেদি জানেম।

গীতসংহিতা 30:2

ও লগেপ্রভু, মর্ গোজেন, বল্ পেবাত্তে তরে ডাক্যং আর তুই মরে গম্ গোজ্যস্।

গীতসংহিতা 31:15

তঅ আঢত্ দঅ মর্ জিংকানিগানর বেক্কানি; যিগুনে মরে লোড়েই এজদন্ সেই শত্রুগুনো আঢত্তুন্ তুই মরে বাঁজা।

গীতসংহিতা 32:10

পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 89:26

তে মরে ডাগি কবঅ, “তুয়ই মর্ বাপ, মর্ গোজেন, মর্ রোক্ষ্যেগুরিয়্যে মুড়ো।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

হবক্‌‌‌‌কূক 3:1

ভাববাদী হবক্‌কূকর কবিতের্ সুরে তবনা গরানা।

সখরিয় 14:5

তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

যিহোশূয় 14:8

মাত্তর্‌ যে ভেইয়ুনে মঅ‌ লগে যেইয়োন্‌ তারা মানুচ্চুনোরে নিরাশ্‌ গুরি তুল্যন্‌। তো মুই মর্‌ গোজেন লগেপ্রভুর কধানি পুরোপুরিই মানি চোল্যং।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।