গীতসংহিতা 69:2 - Chakma Bible

² মুই গভিন পুদোত্ ডুবঙর্, সিয়েনত্ মর্ থিয়্যেবার জাগা নেই। মুই গভিন পানিত্ এইনে পোজ্যং; বান পানিয়ে মঅ উগুরেন্দি বেই যার্।

গীতসংহিতা 69:2 Iomraidhean Croise

ইয়োব 22:11

এদক্‌ আন্ধার্‌ ওইয়্যেদে যে, তুই ন-দেগর্‌, আর বান পানিয়্যে তরে নাঢি ফেলেয়্যে।

গীতসংহিতা 32:6

সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

গীতসংহিতা 40:2

তে মরে তুলি আনিলো মুরি যাইদে গাঢত্তুন্, সেই এলাফেলালোই ভোজ্যে গাঢত্তুন্। তে মরে পাত্তর উগুরে থিয়্যেবাত্তে দিলো আর দর মাঢি উগুরে আঢিবাত্তে দিলো।

যিরমিয় 38:22

যিহূদার রাজার রাজঘরর্ বাদবাগি মিলেগুনোরে বাবিল রাজার সেনাপতিবো ইধু নেযা অবঅ। সে মিলেগুনে তরে কবাক্, ‘তর্ লগে সমাজ্যেগুনে তরে ভান্ন্যেই পধেদি নেযেয়োন, তরে ওদেই দুয়োন্। ফুট্‌তোই তঅ টেঙানি গারা যেইয়্যে; তঅ সমাজ্যেগুনে তরে ফেলেই যেইয়োন।’

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যোনা 2:6

মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

মথি লেখ্যে গম্ হবর্ 7:25

যেরেদি ঝড়্ পড়িলো, বান্ এলঅ, বোইয়্যের্ বেল আর সে ঘরান উগুরে আঘাত্ গুরিলো; মাত্তর্ সে ঘরান্ ন-পড়িলো কিয়া সিয়েন্ পাত্তর উগুরে বানা ওইয়্যে।