গীতসংহিতা 6:2 - Chakma Bible

² ও লগেপ্রভু, তুই মঅ উগুরে দোয়্যে গর্, কিয়া মুই বলপোজ্যে। ও লগেপ্রভু, মরে গম্ গর্, কিয়া দরে মর্ আড়ুনোত্ গির্‌গিরেনি ধোজ্যে,

গীতসংহিতা 6:2 Iomraidhean Croise

পত্থম 20:17

ইয়েন পরেদি অব্রাহামে গোজেন ইধু তবনা গুরিলো। সেক্কে গোজেনে অবীমেলকরে, তা মোক্ আর তার অন্য মিলেগুনোরে গম্‌ গুরিলো। সেক্কে তারা পুয়ো-ছা পেবার্‌ খেমতাগান্ ফিরি পেলাক্‌।

ইয়োব 19:21

ও মঅ সমাজ্যেগুন, মর্‌ পিরেগান্দোই পিরে পঅ, কিয়া গোজেনর আঢ্‌তানে মরে আঘাত্‌ গোজ্যে।

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 30:2

ও লগেপ্রভু, মর্ গোজেন, বল্ পেবাত্তে তরে ডাক্যং আর তুই মরে গম্ গোজ্যস্।

গীতসংহিতা 31:10

পিড়েলোই মর্ জীংকানিগান গেলঅ, আর ভঅ নিজেস্ ফেলাদে ফেলাদে বয়স্‌ছান গেলঅ; অন্যেয় গরানার কারনে বলান্ কুমি যার্, মর্ আড়ুন লদক্ দদক্ ওইয়োন।

গীতসংহিতা 32:3

মুই যেক্কেনে পাপ স্বিগের্ ন-গরং সেক্কেনে সারা দিন্নো ভঅ নিজেস্ ফেলাদে ফেলাদে মঅ আড়ুন্ ক্ষয় যাদন্;

গীতসংহিতা 38:2

কিত্যে তর্ সেলুন মইদু লাক্ক্যন্, তঅ আঢ্‌‌তানিয়ে মরে ছাবি রাগেয়্যে।

গীতসংহিতা 38:3

তঅ রাগর্ কারনে মর্ কিয়্যেগান শুগুনো, পাপত্তে মর্ আড়ুনো গম্ নয়।

গীতসংহিতা 38:7

মর্ কমরত্ জ্বালাপড়া ওইয়্যে, মর্ কিয়্যেগান শুগুনো।

গীতসংহিতা 51:8

মরে হুজির্ রঅ আর রঙ্গ-ফুত্তির রঅ শুনিবাত্তে দে; তর্ গুড়ি গোজ্যে মর্ এই আড়ুনে ফুত্তি গোরোদোক্।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

গণাণা 12:13

সেক্কে মোশি জগার পারিনে লগেপ্রভুরে ডাগিনে কলঅ, “ও গোজেন, তুই তারে গম্‌ গুরি দে।”

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।