গীতসংহিতা 5:8 - Chakma Bible

⁸ ও লগেপ্রভু, মর্ ভালোক্কুন্ শত্রু আগন বিলিনে তর্ ন্যায়র্ পধেদি তুই মরে পরিচালনা গর্; তঅ পথ্‌তান্ মঅ মুজুঙোত্ উজু গুরি দে।

গীতসংহিতা 5:8 Iomraidhean Croise

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

গীতসংহিতা 119:10

মুই মনদি তরে বিজিরে চাঙর্ তরে জানিবাত্তে মনান্ আওজ্ গরের্; তর্ উগুমোর্ বারেন্দি যেবাত্তে মরে ন-দিচ্।

গীতসংহিতা 119:64

ও লগেপ্রভু, পিত্‌থিমীগান তর্ কোচ্‌পানালোই তুজিমপুরো; তর্ সুদোমানি মরে শিগেই দে।

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 31:1

ও লগেপ্রভু, মুই তইদু আশ্রয় নেযেয়োং; মরে কনদিন্‌অ লাজত্ পড়িবাত্তে ন-দিচ্; তর্ ন্যায়বিচেরর্ জোরে মরে তুই রোক্ষ্যে গর্।

গীতসংহিতা 54:5

শত্রুগুনে মরে যে অমংগল গোজ্যন্ সিয়েনি তে তারা ইদু ফিরেই দিবো; ও প্রভু, তর্ বিশ্বেজ্‌চান্দোই তুই তারারে ভস্ত গুরি দে।

গীতসংহিতা 59:10

গোজেনে তার অমকদ কোচ্‌পানাত্যে মইদু এবঅ, মর্ শত্রুগুনোর উদি যানা মরে চেবাত্তে দিবো।

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

গম্ উপদেজ্ 4:25

তঅ চোগ্‌কুনে যেন উজুগুরি মুজুঙেদি চায়, তঅ চোগ্‌খুনোর রিনি চানাগান্ মুজুঙেদি থির্ রাগা।

যোনা 2:5

সাগর পানিগানে মরে গিলিনে মরন দোড়ত্ সং নেযেল; সাগরানে মরে গিরি ধুরিলো আর তা এযেলাগানিয়ে মঅ মাঢাবোত্ বেড়েল।

মথি লেখ্যে গম্ হবর্ 3:3

এ যোহন পৌইদ্যেনে ভাববাদী যিশাইয় কোইয়্যেদে, ধূল্যেচর-চাগালাত্ একজনে রঅ ছাড়িনে জানাত্তে, “তুমি প্রভুর্ পথ্‌তান ঠিগ্ গরঅ; তা পথ্‌তান উজু গরঅ।”

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।