গীতসংহিতা 5:6 - Chakma Bible

⁶ যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 5:6 Iomraidhean Croise

২ শমূয়েল 16:8

তুই যে জাগানত্‌ রাজাগিরি গরর্‌ সেই শৌল গুট্টির্‌ বেক্‌ মানুচ্চুনোর্‌ লো ঝড়ানার্‌ ফল্ লগেপ্রভু তরে দিয়্যে। সে রেজ্যগান লগেপ্রভু তর্ পূঅ অবশালোমরে দিয়্যে। তুই খুনি বিলিনেই তর্‌ দজাগান এধোক্ক্যেন্ ওইয়্যে!”

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 4:2

ও মানুচ্চুন, আর কয়দিন তুমি মঅ সর্মানানরে অসর্মান গুরিবা? আর কয়দিন তুমি মিজেগানরে কোচ্‌পেবা আর অসত্যর্ পিজেদি ঘুরিবা?

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

রোমীয় 1:29

নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।