1 ও লগেপ্রভু, মঅ কধা শুনিচ্, মঅ মনর্ কোজোলিগান চাহ্।
ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।
ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।
ও গোজেন, তুই মর্ তবনাগান শুন্, মর্ মুয়োন কধানি কান পাদ্।
ও গোজেন, তুই মর্ আবিত্তি গুরিবার্ কধানি শুন; তুই শত্রুর দর্ বুগোত্তুন মঅ পরাণান বাঁজা।
ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্রান তুই ছিদি দে।
ও লগেপ্রভু, মঅ কধাগান শুন আর মরে জোব্ দে, কিত্তেই মুই দুখি আর নাদা মানুচ্।
ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।
যিগুনে ন্যায়র্ পধেদি চলন্ তারা উগুরে প্রভুর চোগ আঘে, তারার্ তবনাগানি শুনিবাত্যে তা কানান্ পাদি আঘে; মাত্তর্ যিগুনে ভান্ন্যেই কাম গরন্, প্রভু তারার্ বিরুদ্ধে যায়।
হান্না মনে মনে তবনা গোজ্যে বিলিনে তার ঠুত্তো লড়ের্ মাত্তর্ মুয়োর রঅবো শুনো ন-যার্। সেনত্যেই এলি মনে গুরিলো মিলেবো মাত্তল্ ওইয়্যে।
তর্ এই চাগরানীবোরে তুই এক্কো বাজে মিলে মনে ন-গুরিচ্। অমহদ ভান্ন্যেই চিদে-চজ্জালোই আর মনত্ দুঘে মুই এদক্ষণ সং তবনা গরঙর্।”
