গীতসংহিতা 48:2 - Chakma Bible

² গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 48:2 Iomraidhean Croise

গীতসংহিতা 135:21

লগেপ্রভু, যিবে যিরূশালেমত্ বজত্তি গরে, তারে বাঈনী গরানা সিয়োনত্তুন্ ধুরি আরাম্ভ ওক্। লগেপ্রভুরে নাঙ্ গিনে ওক্।

গীতসংহিতা 50:2

সিয়োনত্তুন, দোল্ ভরপুনং জাগানত্তুন্, গোজেনর পহ্‌রান্ ছিদি পোজ্যে।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

গীতসংহিতা 87:3

ও গোজেনর শঅরান্, তঅ পৌইদ্যেনে বোউত্ বাঈনীর্ কধা কুয়ো ওইয়্যে।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যিশাইয় 14:13

তুই মনে মনে কোইয়োচ্চ্যে, মুই স্বর্গত্ উদিম্, গোজেন তারাগুনো উগুরে মঅ সিংহাসনান্ তুলিম্; যিয়েনত্ দেবেদাগুনে এগত্তর্ অন্ উত্তোরেদি সে মুড়োবো উগুরে মুই সিংহাসনত্ বুজিম্।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

আবিলেচ্ 2:15

যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

দানিয়েল 11:16

আক্রমন গুরিয়্যেবো যিয়েন হুজি সিয়েনই গুরিবো; তা বিরুদ্ধে কনজনে থিয়্যেই ন-পারিবাক্। দোল্ দেজ ভিদিরে তে নিজোরে থিদেবর্ গুরিবো আর সিয়েন ভস্ত গুরিবার খেমতা তার থেবঅ।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 8:9

সেই শিঙুনোত্ এক্কোত্তুন্ আর এক্কো শিং উদিলাক্; সিগুন পৌইল্যাদি চিগোন এলাক্ মাত্তর্ পরেদি দোগিণ, পূগ আর দোল্ দেজ ইন্দি দাঙর্ উয়ো ধুরিলাক্।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মালাখি 3:12

সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

মথি লেখ্যে গম্ হবর্ 5:35

পিত্‌থিমীগান নাঙে ন-গোজ্য, কিয়া সিয়েন তার টেঙ্ থবার্ জাগা। যিরূশালেম নাঙে ন-গোজ্য, কিয়া সিয়েন দাঙর্ রাজার শঅর্।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;