গীতসংহিতা 47:3 - Chakma Bible

³ অন্য জাদ্‌তুনোরে তে আমা তলেদি গরে, আমা টেঙত্ তলে তারারে রাগায়।

গীতসংহিতা 47:3 Iomraidhean Croise

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 18:47

তেয়ই অন্য জাদ্‌তুনোরে মঅ অধীনোত্ আনে আর মঅ পক্ষেদি তারার্ পাওনা সাজা দে।

গীতসংহিতা 66:5

তুমি এইনে গোজেনর কামানি চেই যঅ; মান্‌জ্যত্তে তে যে কামানি গোজ্যে সিয়েনি মনত্ ভোক্তিবলা দর্‌বুক্ লাগায়।

গীতসংহিতা 81:14

সালে যাদিমাদি মুই তারার শত্রুগুনোরে দোঙেদুং, তারার শত্রুগুনোর বিরুদ্ধে মঅ আঢ্‌তানি তুলিদুং।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

গীতসংহিতা 99:2

সিয়োনত্ বজত্তিগুরিয়্যে লগেপ্রভু দাঙর্; বেক জাদ্‌তুনে তা তলে।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

যিহোশূয় 21:44

তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।