গীতসংহিতা 44:3 - Chakma Bible

³ তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গীতসংহিতা 44:3 Iomraidhean Croise

২ শমূয়েল 7:23

তর্ ইস্রায়েল জাদঅ ধোক্ক্যেন্‌ পিত্তিমীত্‌ আর কন জাত আঘে যিবেরে তুই তর্‌ নিজো মানুচ্‌ বানেবাত্তে আর নিজোরে নাঙ্ গিনিবার অাশাই উদ্ধোর্‌ গুরিবাত্তে যেইয়োচ্‌? আর কন জাদ্‌অ মুজুঙোত্‌ তুই নিজোর্‌ নাঙে তঅ দেজত্তে মহৎ আর দর্‌গরেপারা কাম্‌ গোজ্যস, যেধোক্ক্যান তঅ মানুচ্চুনোত্তে গোজ্যস্‌ যিগুনোরে তুই মিসর দেজত্তুন্‌ নানান্‌ জাদ্ আর দেব-দেবেদাগুনোর আঢত্তুন্‌ উদ্ধোর্ গোজ্যস্‌?

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

গীতসংহিতা 111:6

অন্য জাদর্ দেজ্‌ছানি তা মানুচ্চুনোরে দিইনে তে তার কামর খেমতাগান্ তারারে দেগেয়্যে।

গীতসংহিতা 17:7

তর্ অমকদ কোচ্‌‌পানাগান আমক্ অইদে ধোক্ক্যেন গুরি ফগদাং গর্; শত্রুগুনো আঢত্তুন রোক্ষ্যে পেবাত্তে যিগুনে তইদু আশ্রয় নেযান, তুই ডেন্ আঢ্‌‌তোই তারারে রোক্ষ্যে গুরি থাচ্।

গীতসংহিতা 20:6

ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্‌‌‌জ্যর্ ডাগনিলোই ইজিরে দিবো।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 74:11

কিত্তেই তুই তর্ আঢ্‌তান, সেই ডেন্ আঢ্‌তান লুগেই রাগেয়োচ্? সিয়েন বুগো ভিদিরেত্তুন নিগিলেই আনিনে তারারে শেজ্ গুরি দে।

গীতসংহিতা 77:15

তুই তর্ মানুচ্ যাকোব আর যোষেফ বংশধরুনোরে তর্ দরমর আঢ্‌তোই উদ্ধোর গোজ্যস্।

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

গীতসংহিতা 80:16

সে গাজ্‌ছুন আগুনে পুড়ি যেয়োন, সিগুন কাবি ফেলা ওইয়্যে; তঅ মানুচ্চুনে তর্ গেইল্ হেইনে শেজ্ ওই যাদন্।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 14:8

লগেপ্রভু যুনি আমা উগুরে বেজার ন-থায়্‌ সালে সেই দেজ্‌চানত্‌ তে আমারে নেযেব যিয়েনত্‌ দুধ, মধু আর কনঅ কিজুর অভাব নেই, আর তে সিয়েনি আমারে দিবো।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

দ্বি’লম্বর বিররণ 10:15

তো তমার্‌ পুরোণি মানুচ্চুনো উগুরে তার্‌ টান্ এলঅ বিলিনে তে তারারে কোচ্‌পেইয়্যে। তে পুরো জাদ ভিদিরেত্তুন্‌ তারার্‌ বংশধরুনোরে, অত্তাৎ তমারে বেঈ লোইয়্যে আর এচ্চ্যেয়ো তুমি সেই বেঈ লোইয়্যে জাদ ইজেবে আগঅ।

যিহোশূয় 24:12

মুই তমা আগেন্দি বলাপুগ্‌ পাধেই দিলুং; বলাপুক্কুন্‌ তমা মুজুঙোত্তুন্‌ সে দ্বি’জন ইমোরীয় রাজারে ধাবেই দিলো। তুমি যে তমার লাম্বা ছুড়ি বা সেল্‌-ধনুগানিলোই ইয়েনি গোজ্য সিয়েন্‌ নয়।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।