গীতসংহিতা 44:1 - Chakma Bible

¹ ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 44:1 Iomraidhean Croise

গীতসংহিতা 22:31

যিগুনোর্ এজঅ জর্ম ন-অয়, তারা ইদু যেইনে মানুচ্চুনে তার্ ন্যায্য কধাগানি ফগদাঙ্ গুরিবাক্; কবাক্কে, তেয়ই এ কামানি গোজ্যে।

গীতসংহিতা 42:1

উরিঙে যেধোক্ক্যেন আওজ্ গুরিনে পানি নালর্ তিরেচ্ গরন, সেধোক্ক্যেন গুরিনে ও গোজেন, মর্ পরাণান্ তত্তেই আগল্-পাগল্ ওই আঘে।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গীতসংহিতা 77:5

বোউত্ পুরণ দিনোর কধা মুই ভাবিদুং, ইদোত্ তুলিদুং ভালোক্ বজরর্ আগ কধা।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

যোয়েল 1:3

এ ঘটনার্ কধানি তুমি তমার্ পুয়ো-ঝিগুনো ইধু কঅ আর তারা তারার্ পুয়ো-ঝিগুনো ইধু কোদোক্ আর সেই পুয়ো-ঝিগুনে তারার্ বংশধরুনো ইধু কোদোক্।

দ্বি’লম্বর বিররণ 6:20

আগামিদি যেক্কে তমা পূঅগুনে তমারে পুযোর্‌ গুরিবাক্‌, আমার গোজেন লগেপ্রভু যেদক্কানি উঝিয়ারর্‌ কধা, সুদোম আর উগুম্‌ তমারে দিয়্যে সিয়েনির্‌ ভেদ্‌তান্ কি?

বিচের গুরিয়্যেগুন 6:13

জোবত্‌ গিদিয়নে কলঅ, “মাত্তর্‌ ও মর্‌ প্রভু, যুনি লগেপ্রভু আমা লগে থায় সালে এদক্কানি কিত্তেই আমা উগুরে ঘদের্‌। কুদু গেলগোই তার সেই আমক্‌ অবার্‌ কামানি যিবের কধা কবাত্তে যেইনে আমা পূরোণি বুড়োবুড়িগুনে আমারে কদাক্‌, লগেপ্রভু মিসর দেজত্তুন্‌ তারারে নিগিলেই আন্যে। মাত্তর্‌ তে দঅ ইক্কিনে আমারে ভুলি যেইয়্যে আর মিদিয়নীয়গুনোর আঢত্‌ তুলি দিয়্যে।”