গীতসংহিতা 4:7 - Chakma Bible

⁷ বোউত্ গুলোগুলি আর নুয়ো আংগুর-রস পেলে মানুচ্চুনোর যেধোক্ক্যেন্ মনানি হুজি অয়, তাত্তুনো বেশ্ রঙ্গ-ফুত্তিলোই তুই মঅ মনান্ ভোরেই রাগেয়োচ্।

গীতসংহিতা 4:7 Iomraidhean Croise

গীতসংহিতা 31:17

ও লগেপ্রভু, মুই দঅ তরে ডাক্কোং, তুই মরে লাজত্ পড়িবাত্তে ন-দিচ্; পাজি মানুচ্চুনে বরং লাজত্ পোড়োদোক্, তারা জুরো গুরিনে মরণর জাগানত্ পড়ি থাদোক্।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 67:2

যেন পিত্‌থিমীর বেক্কুনে তঅ পথ্‌তান হবর্ পান আর বেক্ জাদ্‌তুনে তর্ দিয়্যে উদ্ধোর পেইনে সিয়েন কামত্ লাগেই পারন্।

গীতসংহিতা 80:4

ও বেগত্তুন খেমতাবলা লগেপ্রভু গোজেন, তঅ মানুচ্চুনোর তবনাগানিলোই আর কয়দিন তুই বেজার ওই থেবে?

গীতসংহিতা 92:4

ও লগেপ্রভু, তর্ কামানিয়ে মরে হুজি গোজ্যে; তর্ বেক কামানিত্যে মুই হুজিয়ে গীদ্ গেম্।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

গণাণা 6:25

লগেপ্রভুর দোয়্যেগান্ পহ্‌র ধোক্ক্যেন তর্‌ উগুরে পোড়োক্‌; তাঁর্‌ কোচ্‌পানাগান তঅ উগুরে থোক্।

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।