গীতসংহিতা 4:5 - Chakma Bible

⁵ যগাজ্যে মনভাব্‌পোই তুমি উৎসর্বর অনুষ্ঠানানি গরঅ, আর লগেপ্রভু উগুরে নির্ভর গরঅ।

গীতসংহিতা 4:5 Iomraidhean Croise

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 51:19

সালে যগাজ্যে মনভাব্‌পোই গোজ্যে উৎসর্বর অনুষ্ঠানত্, পুজ্যে-উৎসর্ব আর শেজন্দি পুজ্যে-উৎসর্বত্ তুই হুজি অবে, আর তর্ পুজোবো উগুরে মান্‌জ্যে বলদ্ গোরু উৎসর্ব গুরিবাক্।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 77:7

প্রভু কি উমরত্যে আমারে ছাড়ি যেইয়্যে? তে কি আমারে আর কনদিন্‌অ মেয়্যে ন-গুরিবো?

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

মালাখি 1:8

য়েমান্-উৎসর্বর অনুষ্ঠানত্তে যেক্কে চোগ্ নেইয়্যে য়েমান্ আনঅ সেক্কে সিয়েন কি অন্যেয় নয়? যেক্কে তুমি লেং আদুড়্ আর পীড়ে ধোজ্যে য়েমান্দোই উৎসর্বর অনুষ্ঠান গরঅ, সেক্কে কি সিয়েন অন্যেয় নয়? তমা শাজন্‌গুরিয়্যেবো ইধু সিগুন উৎসর্ব গুরিলে তে কি তমা উগুরে হুজি অবঅ? তে কি তমারে গুজি লবঅ? মুই বেগত্তুন্ খেমতাবলা লগেপ্রভু তমারে পুযোর্ গরঙর্।”

মথি লেখ্যে গম্ হবর্ 5:23

সেনত্তে গোজেন নাঙে তঅ দানুন্ উৎসর্ব গুরিবার অক্তত্ যুনি মনত্ পড়ে, তঅ বিরুদ্ধে তঅ ভেইবোর্ কিজু কবার্ আঘে,

দ্বি’লম্বর বিররণ 33:19

মানুচ্চুনোরে তারা মুড়োবোর দুযিত্‌ ডাগিবাক্; সিয়েনত্‌ যগাজ্যে মনভাব নিইনে তারা য়েমান-উৎসর্ব গুরিবাক্। সাগরত্তুন তারা তুলিবাক সাগরর ধন, আর ধূল্যেচরত্তুন তুলি আনিবাক্ কোরোলির তলার্ ধন।”

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।