গীতসংহিতা 39:9 - Chakma Bible

⁹ মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

গীতসংহিতা 39:9 Iomraidhean Croise

২ শমূয়েল 16:10

রাজা কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? লগেপ্রভু যুনি তারে কোই থায় ‘দায়ূদোরে গেইল্ দে’ আর সেনত্তেই তে গেইল্ দে, সালে কন্না তারে পুযোর্‌ গুরি পারিবো, ‘কিত্তেই তুই এ কামান্‌ গোজ্যস্?’”

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

গীতসংহিতা 38:13

মুই যেনে ভঅ্‌রা ওই যেইয়োং, কিচ্ছু ন-শুনোং; যেনে বুব্ ওই যেইয়োং, কিচ্ছু ন-কং।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”