গীতসংহিতা 39:10 - Chakma Bible

¹⁰ মঅ উগুরেত্তুন্ তর্ সাজাগান তুই সোরেই নেযা; তর্ আঢে মের্ খেইনে মুই পেরাই শেজ্ ওই যেইয়োং।

গীতসংহিতা 39:10 Iomraidhean Croise

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

ইয়োব 40:8

তুই মর্ ন্যায় বিচেরানরে কি এলাফেলা গুরিবে? তুই যে নিদ্দুযি সিয়েন প্রমান্ গুরিবাত্তে কি তুই মরে দুযি গুরিবে?

ইয়োব 9:34

যুনি এন্‌ কনজন থেদাক্‌ যিবে গোজেনর সাজাগান্ মঅ উগুরেত্তুন্‌ সোরেই দি পারিবো, যেনে তা দর্‌‌গরেপারাগানে মরে আর দর্‌ দেগেই ন-পারে।

গীতসংহিতা 32:4

কিত্যে সেক্কেনে দিনে-রেদে মঅ উগুরে তর্ আঢঅ চাপ্পান্ গুয়োর্ এলঅ; হরান্যেকালর্ গরমে যেধোক্ক্যেন্ অয় সেধোক্ক্যেন গুরি মর্ কি্য়্যের্ বলান কুমি যার্।

আবিলেচ্ 3:28

লগেপ্রভু সে জুঙোলান্ তা উগুরে দিয়্যে, সেনত্তে তে গায় গায় অলর্ গুরি বোই থোক্।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।