গীতসংহিতা 34:2 - Chakma Bible

² মুই লগেপ্রভুরে নিইনে বার্ গুরিম; সিয়েনি শুনিনে দুঘী মানুচ্চুনে হুজি অবাক্।

গীতসংহিতা 34:2 Iomraidhean Croise

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

গীতসংহিতা 105:3

তার পবিত্রতাগানর্ বাঈনী গরঅ; যিগুনে লগেপ্রভুরে গভিন্ গুরি জানিবাত্তে আওজি তারার মনানি হুজি ওক্।

গীতসংহিতা 119:74

যিগুনে তরে ভোক্তিগুরিনে দরান্ তারা মরে দেগিনে হুজি অন্, কিত্তে মুই তর্ এগেমান উগুরে বিশ্বেজ্ গুরি আগং।

গীতসংহিতা 142:7

জেলোত্ থাইদ্যে ধোক্ক্যেন্ এ অবস্থাত্তুন্ তুই মরে উদ্ধোর গর্, যেনে মুই তরে বাঈনী গুরি পারং। গোজেনভক্ত মানুচ্চুনে হুজিয়ে মরে ঘিরি থেবাক্, কিত্তে তুই মরে ভালেদি গুরিবে।

গীতসংহিতা 44:8

গোজেনরে নিইনে আমি আমিঝে বার্‌বো গুরি এস্যেই; জিংকানিবর আমি তর্ বাঈনী গুরিবোং।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

১ করিন্হীয় 1:31

ইয়েনত্তে পবিত্র বোইবোর্ কধা মজিম, “যে দেমাগ্ গরে তে প্রভুরে নিইনে দেমাগ্ গোরোক্।”

২ করিন্হীয় 10:17

মাত্তর্ পবিত্র বোইবোর্ কধা মজিম্, “যে দেমাগ্ গরে তে প্রভুরে নিইনে দেমাগ্ গোরোক্”;