গীতসংহিতা 34:1 - Chakma Bible

¹ মুই নিত্য লগেপ্রভুর বাঈনী গুরিম; মর্ মুয়োন্দি তার্ গুণগান আমিঝে থেবঅ।

গীতসংহিতা 34:1 Iomraidhean Croise

পত্থম 20:2

সিদু তে তার্ মোক্‌ সারারে আরঅ নিজোর্‌ বোন বিলিনে চিনেই দিলো। সেনত্তে সিদুগোর রাজাবো অবীমেলকে মানুচ্‌ পাদেইনে সারারে তাইধু নেযেল।

পত্থম 26:1

অব্রাহাম সময়বো ধোক্ক্যেন এবেরায়ো দেজত্‌ এক্কান্‌ ভাদঅ রাত্‌ দেগা দিলো। সেনত্তে ইস্‌হাকে গরার শঅর পলেষ্টীয়গুনোর রাজা অবীমেলকর ইধু গেলঅ।

গীতসংহিতা 71:6

জর্মত্তুন ধুরি মুই তঅ উগুরে নির্ভরশীল; তুই মরে মা পেদত্তুন নিগিলেই আন্যচ্। তুই নিত্য মর্ বাঈনী গুরিবার্ বিষয়।

গীতসংহিতা 71:8

মঅ মুয়োন্দি তর্ নাঙ্ গিনেনাগান্ থেবঅ, সিয়েন পুরো দিন্নো তর্ বাঈনী গুরিবার্ কধা কবঅ।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

প্রেরিত্‌ 16:25

সেক্কে প্রায় রেত্ সম্মাক্ ওইয়্যে। পৌল আর সীলে তবনা গত্তন্ আর গোজেনর্ নাঙে বাঈনী-গীত্ গাদন্। অন্য বন্দীগুনে সিয়েন্ শুনোদন্।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

ইফিষীয় 5:20

আমিঝে বেক্কানিত্যে আমা প্রভু যীশু খ্রীষ্টর্ নাঙে বাবা গোজেনরে ভালেদি জানঅ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ শমূয়েল 21:11

মাত্তর্‌ আখীশোর মানুচ্চুনে আখীশোরে কলাক্, “ইবে কি তার দেজর্‌ রাজা নয়? ইয়েনর্ পৌইদ্যেনে কি মানুচ্চুনে নাজি নাজি গান গেইনে ন-কন্‌, ‘শৌল মারিলোদে আজার আজার আর দায়ূদে মারিলো অযুত অযুত?’ ”