গীতসংহিতা 33:3 - Chakma Bible

³ তার্ নাঙে নুয়ো গান গঅ, কাবিল্ আত্তোই বাজানা বাজঅ আর হুজিয়ে রঅ ছাড়।

গীতসংহিতা 33:3 Iomraidhean Croise

১ বংশধর 13:8

দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

১ বংশধর 15:22

গান পরিচালনার ভারান্‌ পড়িলোদে লেবীয় নেতা কননিয় উগুরে। তে গানত্‌ কাবিল্‌ এলঅ বিলিনে তা উগুরে সে ভারান্‌ পড়িলো।

১ বংশধর 25:7

লগেপ্রভুর নাঙে তারা বংশর গান-বাজনায় শিক্ষিত আর কাবিল্‌ মানুচ্চুনোরে নেযেইনে তারা জনেন্দি অলাক্‌ দ্বিশঅ আট্টাশি জন।

২ বংশধর 34:12

সে মিস্ত্রিগুনে বিশ্বেজ্‌গুরিনে কাম্‌ গোজ্যন্‌। তারারে চেইচিদিবাত্তে তারা উগুরে এলদে যহৎ আর ওবদিয় নাঙে মরারি-বংশর দ্বিজন লেবীয় আর কহাৎ-বংশর সখরিয় আর মশুল্লম আর যে লেবীয়গুনে গমেডালে বাজ্‌না বাজেই পারিদাক্‌ তারা।

গীতসংহিতা 144:9

ও গোজেন, মুই তঅ নাঙে নুয়ো গান গেম্; দশতারা বাজেইনে মুই তঅ নাঙে নাঙ্ গিনেদে গান গেম্।

গীতসংহিতা 149:1

লগেপ্রভুরে নাঙ্ গিনে ওক্। তুমি লগেপ্রভুর নাঙে নুয়ো গীদ্ গঅ, গোজেন ভক্তগুনো তেম্মাঙত্ তারে নাঙ্ গিনেদে গীদ্ গঅ।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 40:4

বর্‌পেইয়্যে সেই মানুচ্চো, যে লগেপ্রভু উগুরে বিশ্বেজ্ গরে, যে তারা ইন্দি ন-ফিরে যিগুনে বার্‌বো আর মিজে কধালোই থায়।

গীতসংহিতা 96:1

তুমি লগেপ্রভুর নাঙে নুয়ো গীদ্ গঅ; পিত্‌থিমীর বেক মানুচ্চুন্, তুমি লগেপ্রভুর নাঙে গীদ্ গঅ।

গীতসংহিতা 98:1

তুমি লগেপ্রভুর নাঙে নুয়ো গীদ্ গঅ, কিত্তে তে ভালোক্কানি আমক্ অবার কাম গোজ্যে; তার খেমতা, অয়, তার পবিত্র দাঙর্ খেমতালোই তে উদ্ধোর্ গোজ্যে।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।