গীতসংহিতা 32:6 - Chakma Bible

⁶ সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

গীতসংহিতা 32:6 Iomraidhean Croise

গীতসংহিতা 144:7

তুই উগুরেত্তুন্ তঅ আত্তানি বাবেই দে; তুই মরে রোক্ক্যে গর্, বান পানিত্তুন, অয়, অন্য জাদর আঢত্তুন্ মরে বাঁজা।

গীতসংহিতা 4:3

তুমি হবর্ পেবা, লগেপ্রভু তা ভক্তগুনোরে তা নিজোত্তে ফারক্ গোজ্যে; মুই ডাগিলে তে শুনিবো।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 42:7

সিয়েনত্ তর্ তান্‌‌জাঙর্ রবোর্ পানিগানর গুজুরোনিবো ডাগের্; আর তর্ ভাঙিপোজ্যে বেঈ এস্যে তুবোলুন্ মঅ উগুরেন্দি বেঈ যার্।

গীতসংহিতা 91:7

অয়ত তর্ এককিত্তেন্দি পুরিবো আজার জন, আর দশ আজার পুরিবাক্ ডেন আঢেন্দি, মাত্তর্ ইগুনে তইদু ন-এবাক্।

গম্ উপদেজ্ 1:28

“ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যোহন 7:34

তুমি মরে তোগেবা মাত্তর্ ন-পেবা, আর মুই যিধু থেম্ তুমি সিধু এইয়ো ন-পারিবা।”

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,