গীতসংহিতা 32:1 - Chakma Bible

¹ বর্‌পেইয়্যে সেই মানুচ্চো, যিবের্ গোজেন উগুরে উল্লোমীগানি খেমা গরা ওইয়্যে, যিবের্ পাপ্পানি ঢাগি দিয়্যে ওইয়্যে।

গীতসংহিতা 32:1 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

নহিমিয় 4:5

তারার্‌ অন্যেয়ানি তুই মাব্‌ ন-গুরিচ্‌ বা তঅ চোগোর্‌ মুজুঙোত্তুন্‌ তারার্‌ পাপ্পানি তুই ফুজি ন-ফেলেচ্‌, কিত্যে যিগুনে দেবালান্‌ গাদাদন্‌ তারার্‌ মুজুঙোত্‌ তারা তরে অগমান্‌ গোজ্যন্‌।”

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 128:1

বর্ পেইয়্যে সেই মানুচ্চুন, যিগুনে লগেপ্রভুরে ভোক্তি গরন্ আর তা পধেদি চলন্।

গীতসংহিতা 40:4

বর্‌পেইয়্যে সেই মানুচ্চো, যে লগেপ্রভু উগুরে বিশ্বেজ্ গরে, যে তারা ইন্দি ন-ফিরে যিগুনে বার্‌বো আর মিজে কধালোই থায়।

গীতসংহিতা 42:1

উরিঙে যেধোক্ক্যেন আওজ্ গুরিনে পানি নালর্ তিরেচ্ গরন, সেধোক্ক্যেন গুরিনে ও গোজেন, মর্ পরাণান্ তত্তেই আগল্-পাগল্ ওই আঘে।

গীতসংহিতা 45:1

মর্ মনান্ দোল্ চিন্তেধারালোই ভুরি উঠ্যে; রাজার নাঙে মর্ কবিতে সুর্ নিগিলি এজের্; মর্ জিলানে কাবিল লিগিয়্যের্ লেখক ধোক্ক্যেন্ ওই উঠ্যে।

গীতসংহিতা 52:1

ও বোলীবন্ধ যোদ্ধা, কিত্তেই তুই ভান্ন্যেই বেপারানিলোই বার্‌বো গরর্? গোজেনর অমকদ কোচ্‌পানার দঅ শেজ্ নেই।

গীতসংহিতা 53:1

যিগুনোর বিবেক্ মরা তারা মনে গরন্দে গোজেন বিলিনে কনজন নেই। তারার্ খাচ্চ্যত্তানি বর্‌বাদ্ ওই যেইয়্যে, তারার্ কামানি জঘন্য; গম্ কাম গরন্ এধোক্ক্যেন কনজন নেই।

গীতসংহিতা 55:1

ও গোজেন, মুই তবনা গুরিলে কান পাদিচ্; মুই কোজোলি গুরিলে তুই নিজোরে লুগেই ন-রাগেচ্।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গীতসংহিতা 85:2

তঅ মানুচ্চুনোর অন্যেয়ানি তুই খেমা গোজ্যস্; তুই তারার বেক পাপ্পানি ঢাগি রাগেয়োচ্।

গীতসংহিতা 89:15

বর্‌পেইয়্যে সেই মানুচ্চুন, যিগুনে সেই হুজির রগুন চিনোন্; ও লগেপ্রভু, তারা তর্ দোয়্যের চোগেদি রিনি চানালোই পহরত্ আঢাউদো গরন্।

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।