গীতসংহিতা 3:7 - Chakma Bible

⁷ ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 3:7 Iomraidhean Croise

২ শমূয়েল 18:8

যুদ্ধোগান পুরো চাগালাত্‌ ছিদি পড়িলো আর যুদ্ধোত্‌ যিদুক্কুন মানুচ্‌ মুরিলাক্ তাত্তুন্‌ বেশ্‌ মুরিলাক্ ঝারানত্তে।

ইয়োব 16:10

মরে ঠাট্টা গুরিবাত্তে মান্‌জ্যে মুয়োন্‌ খুল্যন্‌; ঘিনেইনে তারা মঅ গালানত্‌ চুয়োর্‌ মাজ্যন্‌ আর মঅ বিরুদ্ধে একলগে এগত্তর্‌ অন্‌।

ইয়োব 29:17

মুই বজং মানুচ্চুনোর মাড়িগানি ভাঙি দিদুং আর তারা মুয়োত্তুন শিগের্ কারি নেযেদুং।

গীতসংহিতা 10:12

ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

গীতসংহিতা 35:23

মর্ গোজেন, প্রভু মর্, তুই চেদন্ অ, মর্ পক্ষ অ, মর্ পক্ষেদি কধা কঅ।

গীতসংহিতা 44:23

ও প্রভু, চেদন্ অ, কিত্তেই তুই ঘুম্ যর্? উঠ্, উমরত্তে আমারে ছাড়ি ন-যেচ্।

গীতসংহিতা 58:6

ও গোজেন, তুই পাজিগুনোর দাত্‌তুন তারার মুয়ো ভিদিরে ভাঙি ফেলা; ও লগেপ্রভু, সেই দামারা সিংহগুনোর ধারেয়্যে দাত্‌তুন তুই ভাঙি ফেলা।

গীতসংহিতা 59:5

ও বেগত্তুন্ খেমতাবলা লগেপ্রভু গোজেন, ইস্রায়েলর গোজেন, তুই বেক্ জাদ্‌তুনোরে সাজা দিবাত্তে উঠ্; পাজি কুজুরোমিগুনো উগুরে কনঅ মেয়্যে ন-দেগেচ্।

গীতসংহিতা 6:4

ও লগেপ্রভু, মন্দি ফিরি আয়, মরে উদ্ধোর্ গর্; তর্ অমকদ কোচ্‌‌পানার দোয়্যেলোই, মরে রোক্ষ্যে গর্।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গীতসংহিতা 74:11

কিত্তেই তুই তর্ আঢ্‌তান, সেই ডেন্ আঢ্‌তান লুগেই রাগেয়োচ্? সিয়েন বুগো ভিদিরেত্তুন নিগিলেই আনিনে তারারে শেজ্ গুরি দে।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

আবিলেচ্ 3:30

যে তারে মাজ্যে তাইদু তে গালান্ পাদি দুয়োক্, নিজোরে অগমান পেবাত্তে দুয়োক্।

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।