গীতসংহিতা 27:8 - Chakma Bible

⁸ মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 27:8 Iomraidhean Croise

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

গীতসংহিতা 105:4

লগেপ্রভু আর তার খেমতাগানরে বুঝিবাত্তে চঅ; নিত্য তা সমারে উদোলোলি গুরি থেবাত্তে আওজি অ।

গীতসংহিতা 119:58

মুই মনান দিইনে তর্ দোয়্যে চেইয়োং; তর্ কধা মজিম্ তুই মঅ উগুরে দোয়্যে গর্।

গীতসংহিতা 24:6

এবাবোত্যে মানুচ্চুনে লগেপ্রভুর্ উবোসনা গরন, তারা তা মুয়োন্দি রিনি চান্; ইগুনে যাকোবর বংশ।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

যোহন 11:29

মরিয়মে এ কধাগান্ শুনিনে যাদিমাদি উদি যীশু ইধু গেলঅ। যীশু সেক্কেয়ো আদামত্ ন-লুমেগি;