গীতসংহিতা 26:9 - Chakma Bible

⁹ পাপিগুনোর দলত্ তুই মরে ন-ফেলেচ্; যিগুনে লো-ঝোরেবাত্তে গম্ পান্ তারা সমারে মরে মারে ন-ফেলেচ্।

গীতসংহিতা 26:9 Iomraidhean Croise

২ শমূয়েল 16:7

শিমিয়ি গেইল্ দি দি কলদে, “দূর্ অ, দূর্ অ, খুনি, বদমাইশ শদান!

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

গীতসংহিতা 139:19

ও গোজেন, মুই চাং তুই পাজিগুনোরে মারে ফেলা। ও লো চুজি হেইয়্যে মানুচ্চুন্, মত্তুন্ দূর্ ওই যহ্।

গীতসংহিতা 51:14

ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মথি লেখ্যে গম্ হবর্ 24:51

সেক্কে তে তারে কাবিনে দি'কট্টা গুরি ফক্করুনো সমারে তা জাগায়ান্ ঠিগ্ গুরিবো। সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 25:32

সে অক্তত্ বেক্ জাদর্ মানুচ্চুনোরে তা মুজুঙোত্ এক সমারে এগত্তর্ গরা অবঅ। গরগ্‌কুনে যেবাবোত্যে গুরি ভেড়া আর ছাগলুনোরে ফারগ্ গরন্ সেবাবোত্যেগুরি তে বেক্ মানুচ্চুনোরে দ্বি ভাগে যুদো গুরিবো।

মথি লেখ্যে গম্ হবর্ 25:44

সেক্কে তারা তারে কবাক্, প্রভু, কক্কে তর্ পেট্ পুরের্ বা পানি তিরেস্ পেইয়্যে দেগিনে, বা গর্বা ওইয়োচ্ দেগিনে, বা উত্যেবুত্যে দেগিনে, বা অসুগ্ বা জেলখানাত্ আগচ্ হবর্ পেইনে সাহায্য ন-গুরিই?

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

১ শমূয়েল 25:29

মর্‌ গিরোজ্‌সোরে মারে ফেলেবাত্তে মান্‌জ্যে লোড়েলেয়ো মুই হবর্‌ পাং তার্‌ পরাণান তার্‌ গোজেন লগেপ্রভুর ধনভান্ডালত্‌ যত্তন্‌ গুরিনে থোইয়্যে আঘে। মাত্তর্‌ তর্‌ শত্রুগুনোর পরাণান তে ফিংগালোই পাত্তর্‌ মারেদে ধোক্ক্যেন গুরি ফেলেই দিবো।