1 লগেপ্রভু মর্ পালক, মর্ অভাব নেই।
পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।
সে পরেন্দি তা মানুচ্চুনোরে তে ভেড়া ধোক্ক্যেন গুরি নিগিলেই আনিলো, আর ধূল্যেচর-চাগালার ভিদিরেন্দি ভেড়া পাল ধোক্ক্যেন গুরি তারারে পরিচালনা গুরিলো।
সালে আমি, তঅ মানুচ্চুন, যিগুনে তর্ চোরেইয়্যে মাদ ভেড়া, উমর সং তরে ভালেদি জানেবং আর বংশর পর বংশ ধুরি তর্ বাঈনী গুরিবোং।
ঘেচ্চেক্গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।
তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্তোই তুলি নিবো আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।
“ও জাদ্তুন, মঅ কধানি শুনো; তুমি দূরোর দেজ্ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’
চরি বেড়েবার গম্ জাগাত্ মুই তারারে চোরেম্ আর ইস্রায়েলর্ অজল্ অজল্ মুড়োত্ তারারে চোড়েবার জাগা অবঅ। গম্ গম্ চোড়েবার জাগাত্ তারা থেবাক্ আর সিয়েনত্ ইস্রায়েলর মুড়োগুনো উগুরে গম্ চরেদে ভূইয়োত্ হেই হেই বেড়েবাক্।
লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”
সেই শাজন্গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;
মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্চানিয়ো তুমি পেবা। কেল্যেত্যে চিদে ন-গোজ্য;
মুয়ই আজল্ ভেড়া গরক্। আজল্ ভেড়া গরক্কো তা ভেড়াগুনোত্তে নিজো পরাণান্ দে।
“মুয়ই আজল্ ভেড়া গরক্। বাবা যেবাবোত্যে মরে হবর্ পায় আর মুই বাবারে চিনোং সেবাবোত্যেগুরি মুইয়ো মঅ ভেড়াগুনোরে চিনোং আর তারায়ো মরে চিনোন্। মুই মঅ ভেড়াগুনোত্যে মঅ পরাণান্ দুয়োঙর্।
গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?
আর ইয়েনত্ গোজেনে হুজি অয়। মঅ গোজেনে তার্ বাঈনী গরেদে ন-ফুরেইয়্যে ধনে খ্রীষ্ট যীশুর্ মাধ্যমে তমার্ বেক অভাব্পানি পূরেই দিবো।
যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্কোরে মরণত্তুন্ জেদা গুরি তুল্যে।
ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।
সালে যেক্কে আজল্ গরগ্কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।
কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”
