গীতসংহিতা 22:1 - Chakma Bible

¹ গোজেনে মর্, গোজেনে মর্, কিত্তে তুই মরে ছাড়ি যেইয়োচ্? মরে রোক্ষ্যে ন-গুরিনে, মর্ চোগো পানিয়ে-ভোজ্যে তবনাগান ন-শুনিনে, কিত্তে তুই দূরোত্ সুরি আগচ্?

গীতসংহিতা 22:1 Iomraidhean Croise

ইয়োব 3:24

মঅ‌ বঅ‌নিজেচ্ছো মর্‌ হানা ওইয়্যে, আর মর্‌ গির্‌গিরেনিগান ‌পানি ধোক্ক্যেন্ ঢালি পোজ্যে।

গীতসংহিতা 10:1

ও লগেপ্রভু, কিত্তেই তুই দূরোত্ থিয়্যেই আগচ্? দুঘোর্ দিনোত্ কিত্তেই তুই নিজোরে লুগেই রাগেয়োচ্?

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 22:11

তুই মত্তুন্ দূরোত্ ন-থেচ্, কিত্যে মঅ দযাগান্ ঘোনেই এচ্ছ্যে, মরে বল্‌‌দিয়্যে কনজন নেই।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 26:9

পাপিগুনোর দলত্ তুই মরে ন-ফেলেচ্; যিগুনে লো-ঝোরেবাত্তে গম্ পান্ তারা সমারে মরে মারে ন-ফেলেচ্।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গীতসংহিতা 38:8

মুই বল্‌‌পোজ্যে ওইয়োং, এক্কুবারে ভাঙি পোজ্যং, মন পিড়েলোই মুই সাজুরঙর্।

গীতসংহিতা 71:11

তারা কদন্, “গোজেনে তারে ছাড়ি যেইয়্যে; তারে লোড়েইনে ধুরি ফেল, তারে বাঁজেবাত্তে কনজন নেই।”

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 59:11

আমি বেক্কুনে ভালুগো ধোক্ক্যেন গুজুরিই, কঅ ধোক্ক্যেন নরম্ গুরি ডাগিই। আমি ন্যায়বিচের পেবাত্তে চেই, মাত্তর্ ন-পেই; আমি উদ্ধোর্ পেবাত্তে চেই, মাত্তর্ সিয়েন বোউত্ দূরোত্ থায়।

লেবীয় 2:6

পরেদি সিয়েন্‌ কট্টা কট্টা গুরিনে তা উগুরে তেল ঢালি দিয়্যে পুরিবো; ইবে এক্কো শোজ্য-উৎসর্ব।

মথি লেখ্যে গম্ হবর্ 27:46

প্রায় তিন্‌টা সময় যীশু রঅ ছাড়িনে কলঅ, “এলী, এলী, লামা শবক্তানী,” অত্তাৎ “মঅ গোজেন, মঅ গোজেন, কিত্তে তুই মরে ছাড়ি যেইয়োচ্?”

মার্ক 15:34

বেল্যে তিনটা সময় যীশু জুরে রঅ ছাড়িনে কলঅ, “এলোই, এলোই, লামা শবক্তানী,” অত্তাৎ “গোজেন মর্, গোজেন মর্, কিত্তে তুই মরে ফেলে যেইয়োচ্?”

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।