গীতসংহিতা 2:4 - Chakma Bible

⁴ লগেপ্রভু স্বর্গর সিংহাসনত্তুন্ আজের্; তে তারারে ঈচ্ গরের্।

গীতসংহিতা 2:4 Iomraidhean Croise

২ রাজাবলী 19:21

তা বিরুদ্ধে লগেপ্রভু কোইয়্যেদে, গাবুজ্যে মিলে সিয়োনে তরে ঈচ্ গুরিবো আর ঠাট্টা-তামাজা গুরিবো। যিরূশালেম মানুচ্চুনে তঅ পিজেন্দিত্তুন্‌ মাধাবো লাড়েবাক্‌।

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 123:1

তুই স্বর্গর সিংহাসনত্ আগচ্; মুই তন্দি রিনি চাং।

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 59:8

মাত্তর্ ও লগেপ্রভু, তারারে চেইনে তুই আজর্ আর সে জাদ্‌তুনোরে বিদ্রুপ গরর্।

গীতসংহিতা 59:9

তারা বোলি বিলিনে মুই তরে বাজ্জেই থেম্, কিত্তেই ও গোজেন, তুয়ই মর্ ঘর।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

গম্ উপদেজ্ 1:26

সেক্কে তমা ভস্ত অনা দেগিনে মুই আজিম্, তমা উগুরে দজা এলে তামাজা গুরিম।

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌