গীতসংহিতা 2:12 - Chakma Bible

¹² তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 2:12 Iomraidhean Croise

পত্থম 41:40

সেনত্তে রাজঘরর্‌ বেক ভারান তত্তুন লঅ পড়িবো। তঅ মুয়োর্‌ উগুম্‌ মানিনে মর্‌ বেক্‌ মানুচ্চুনে চুলিবাক্। বানা রাজা ইজেবে মুই তঅ উগুরে থেম্।”

১ রাজাবলী 19:18

মাত্তর্‌ ইস্রায়েলত্‌ মুই সাত আজার মান্‌জ্যরে ফেলে এচ্ছোং যিগুনে বাল দেবেদার মুজুঙোত্‌ আদু ন-পাদন্‌ আর তারে ন-চুমোন্‌।”

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 109:20

মঅ বিপক্কগুনে, যিগুনে মঅ পৌইদ্যেনে বজং কধা কন্, তারা লগেপ্রভুত্তুন্ যেন এ ফল পান।

গীতসংহিতা 2:5

তে অমকদ বেজার্ ওইনে তারারে থেঝেরা মারিবো, তা রাগর্ আগুনান্ তারার্ মনত্ দর্‌বুগ্ লাগেব।

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

গীতসংহিতা 31:20

তুই তারারে তর্ চোগো আন্দলত্ রাগেইনে মান্‌জ্যর্ কুজুরোমিত্তুন্ লুগেই রাগা; কোল্-কোজ্যেত্তুন্ তর্ আশ্রয়লোই তারারে সোরেই রাগা।

গীতসংহিতা 34:8

যগা চাহ্ লগেপ্রভু মংগলময়; বর্‌পেইয়্যে সেই মানুচ্চো, যিবে তাইদু আশ্রয় নেযায়;।

গীতসংহিতা 34:9

কিত্যে যিগুনে তারে ভোক্তি গরন্ তারার্ কনঅ কিজুর্ অভাব ন-অয়।

গীতসংহিতা 40:4

বর্‌পেইয়্যে সেই মানুচ্চো, যে লগেপ্রভু উগুরে বিশ্বেজ্ গরে, যে তারা ইন্দি ন-ফিরে যিগুনে বার্‌বো আর মিজে কধালোই থায়।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গম্ উপদেজ্ 16:20

যে মানুচ্চো গোজেনর কধা শুনে তার ভালেদি অয়, আর যে লগেপ্রভু উগুরে বিশ্বেজ্ গরে তে বর্ পেইয়্যে।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিরমিয় 17:7

মাত্তর্ সে মানুচ্চো বর্‌পেইয়্যে, যে লগেপ্রভু উগুরে বিশ্বেজ্ গরে আর লগেপ্রভু যিবের্ বিশ্বেজর্ গড়াগান।‍‌‍

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

সফনিয় 2:2

সেই দিন্নো তুষো ধোক্ক্যেন উড়ি এজের্; সেনত্তে ঠিগ্ গোজ্যে সময়ান এবার্ আগেদি, লগেপ্রভুর জ্বোল্‌জোল্যে রাগ্‌কান তমা উগুরে এবার্ আগেদি, তার্ অমকদ অহুজিগান তমা উগুরে পড়িবার আগেদি তুমি একসমারে থুবো।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

রোমীয় 10:11

পবিত্র বোইবো কয়, “যে কেঅ তা উগুরে বিশ্বেজ্ গরে তে আজা-নেইয়্যে ন-অবঅ।”

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।

১ শমূয়েল 10:1

সে পরেন্দি শমূয়েলে এক্কো তেলর শিঝিরি নেযেইনে শৌলর মাদাবো উগুরে তেল ঢালি দিলো। তে তারে গালত্‌ চুমিনে কলঅ, লগেপ্রভু তা মানুচ্চুনো উগুরে তরে নেতা ইজেবে অভিষেগ্ গুরিলো।