গীতসংহিতা 17:3 - Chakma Bible

³ তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গীতসংহিতা 17:3 Iomraidhean Croise

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

ইয়োব 24:14

খুন্‌গুরিয়্যেগুনে বেন্যেপোত্যে উদিনে নাঢা আর অভাবীগুনোরে মারে ফেলান্, আর রেদোত্ তে চুর্ ওইনে চুর্ গরে।

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 139:1

ও লগেপ্রভু, তুই মরে গমেডালে পোরোক্ক্যে গুরি চেয়োচ্ আর মরে হবর্ পেয়োচ্।

গীতসংহিতা 139:23

ও গোজেন, তুই মরে গমেডালে পোরোক্ক্যে গুরি চাহ্, আর মর্ মন অবস্থাগান জানি লঅ; মরে বিজিরে চাহ্, আর মর্ টেনশন কধা জানি লঅ।

গীতসংহিতা 16:7

মুই লগেপ্রভুরে ভালেদি জানাং যিবে মরে গমবুদ্ধি দে; রেদোত্ মঅ মনানে মরে উগুম দে।

গীতসংহিতা 26:2

ও লগেপ্রভু, তুই মরে খাটি বিলিনে প্রমান গর্; মরে যগা চাহ্, আর মঅ মনান্ আর মন চিন্তেগান নিগিলেই ফেলা;

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 7:4

যুনি মঅ সমাজ্যেগুনো উগুরে অন্যেয় গুরি থাং, যে এনেবাদে মর্ শত্রু ওইনে উঠ্যন্ মাত্তর্ মুই তারেয়ো উদ্ধোর্ গোজ্যং-

গম্ উপদেজ্ 13:3

যে তা মুয়োন উজিয়ার গুরি রাগায় তে তা পরাণান্ বাজায়, মাত্তর্ যে উজিয়ার ন-ওইয়্যে গুরি কধা কয় তার দজা অয়।

যিরমিয় 12:3

ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

হোশেয় 7:6

মাত্তর্ তারা যেক্কে কুজুরোমী গোজ্যন সেক্কে তারার্ মনানি তুন্দুর ধোক্ক্যেন জ্বলের্। তারার্ রুটি বানেয়্যেবো সারা রেত্তো ঘুম যেইয়্যে আর বেন্যেমাদান্ সেই কুজুরোমিগান জ্বোল্‌‌‌‌‌‌‌জ্বোল্যে আগুন ধোক্ক্যেন জুলি উদিলো।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 16:9

রেদোত্ পৌলে এক্কান দর্শনত্ দেগিলো, ম্যাসিডোনিয়া রেজ্যর্ এক্কো মানুচ্‌ থিয়্যেইনে তারে কোজোলি গুরিনে কত্তে, “ম্যাসিডোনিয়াত্ এইনে আমারে সাহায্য গত্তি।”

১ করিন্হীয় 4:4

মর্ বিবেক্‌কান্ সাব্, মাত্তর্ সিয়েন্দোই ইয়েন প্রমাণ ন-অত্তে যে, মুই নিদ্দুজি। প্রভু মর্ বিচের্ গুরিবো।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।

১ শমূয়েল 26:11

মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”

১ শমূয়েল 26:23

লগেপ্রভু পত্তি মান্‌জ্যরে তার বিশ্বেজত্তে আর গম্‌ কামত্তে বক্‌শিজ্ দে‌। লগেপ্রভু এচ্চ্যে তরে মর্‌ আঢত্‌ তুলি দিয়্যে, মাত্তর্‌ মুই লগেপ্রভুর অভিষেগ্ গোজ্যে মানজ্য উগুরে আঢ্ তুলিবাত্তে ন-চাং।