গীতসংহিতা 16:7 - Chakma Bible

⁷ মুই লগেপ্রভুরে ভালেদি জানাং যিবে মরে গমবুদ্ধি দে; রেদোত্ মঅ মনানে মরে উগুম দে।

গীতসংহিতা 16:7 Iomraidhean Croise

গীতসংহিতা 119:148

পহ্‌র্ অবার আগেদি মঅ চোগ্‌কুনে জাগন্, যেনে তর্ বেক এগেমানিলোই মুই ধ্যান গুরি পারং।

গীতসংহিতা 119:55

ও লগেপ্রভু, মুই তর্ উগুমানি মানং, আর রেদোত্ তঅ কধানি ইদোত্ তুলোং। ইয়েনোই মর্ অভ্যেস্,

গীতসংহিতা 119:7

তর্ ন্যায়বলা সুদোমর শিক্ষ্যে গত্তে গত্তে মুই গম্ মন্দোই তরে ভালেদি জানেম্।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গীতসংহিতা 22:2

ও মর্ গোজেন, দিনোত্ মুই তরে ডাগং, মাত্তর্ তুই জোব্ ন-দুয়োচ্; রেদোত্‌অ মুই জুরো গুরি ন-থাং।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 63:6

বিচ্ছোনত্ পড়িনে মুই তঅ কধা ভাবং, পুরো রেত্তো তঅ পৌইদ্যেনে ধ্যান গরং;

গীতসংহিতা 73:21

যেক্কেনে মঅ মনান্ থিদে ওইয়্যে আর মনত্ আঘাত লাক্ক্যে,

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গীতসংহিতা 77:2

দজাত্ পুরিনে মুই প্রভুরে ডাগিলুং; রেদোত্ মঅ আঢ্‌তানি গোজেনর ইন্দি বাড়েয়্যে থেদঅ, মুই বল্‌পোজ্যে ন-অদুং; মঅ মনানে সুগ্ শান্দি ন-পেদঅ।

গীতসংহিতা 77:6

রেদোত্ মর্ বেক গীদোর কধানি মনত্ পুরিদো; মুই মনে মনে গভিন্ গুরিনে চিদে গুরিদুং আর মনে মনে পুজোর্ গুরিদুং-

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিরমিয় 12:2

তুয়ই তারারে লাগেয়োচ্ আর তারা শিঙোর্ বোজেয়োন; তারা দাঙর্ অন আর তারার গুলোগুলি ধরন। মুয়োদি তারা আমিঝে তঅ কধা কন্ মাত্তর্ তারার মনান তত্তুন দূরোত্ থায়।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।