গীতসংহিতা 16:4 - Chakma Bible

⁴ যিগুনে দেবেদাগুনোরে বক্‌শীজ্ দিইনে নিজোর্ গুরি নেযান্ তারার্ দুখ্‌কানি বাড়িবো। তারা লোর্ যে ঢালন-উৎসর্ব গরন মুই সিয়েন্ ন-গরং; দেবেদাগুনোর্ নাঙানিয়ো মুই মুয়োত্ ন-আনিম।

গীতসংহিতা 16:4 Iomraidhean Croise

পত্থম 35:14

ঠিগ্‌ সে জাগানত্‌ যাকোবে এক্কো পাত্তর খুদো ধোক্ক্যেন অজল্ গুরিলো আর সিবে উগুরে তে পানীয়-উৎসর্ব গুরিলো। সিবে উগুরে তে তেলঅ ঢালি দিলো।

গীতসংহিতা 32:10

পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

যিশাইয় 57:6

ও ইস্রায়েল, তুই লাঙেল সং পাত্তরুন্ পূজো গরচ্; সিগুন, সিগুনই তর্ সোম্বোত্তি। অয়, সিগুনো ইদু তুই ঢাল্যে-উৎসর্ব ঢালি দুয়োচ্ আর শোজ্য-উৎসর্ব গোজ্যস্। ইয়েনি দেগিনে কি মুই জুরো গুরি থেম্?

যিশাইয় 65:11

মাত্তর্ তুমি যিগুনে লগেপ্রভুরে ছাড়ি যেইয়ো আর মর্ সুদ্ধো-সাংগ মুড়োবোরে ভুলি যেয়ো, যিগুনে ভাগ্যদেবর্ নাঙে টেবিল সাজেয়ো আর ভাগ্যদেবীর নাঙে মিজেয়ো পিলে ভোরেয়ো,

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

লেবীয় 23:13

সিবে সমারে শোজ্য-উৎসর্ব ইজেবে তেলর ময়ান দিয়্যে তিন কেজি ছয়শ গ্রাম নিগুজ মোইদ্যে উৎসর্ব গরা পুরিবো। ইবে লগেপ্রভুর্ নাঙে আগুন্দোই-গোজ্যে উৎসর্ব, যিবের্‌ তুম্বাজে লগেপ্রভু হুজি অয়। ইবে সমারে ঢালন-উৎসর্ব ইজেবে এক লিটার আংগুরো-রস দিয়্যে পুরিবো।

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

যিহোশূয় 23:7

যে জাদ্‌তুন্‌ তমা ভিদিরে রোইয়োন্‌ তারা সমারে ন-মিজেয়ো; তারার্‌ দেব-দেবেদাগুনোর্‌ নাঙানি মুয়োত্‌ ন-আন্য বা তারার্‌ নাঙে শমক্‌ ন-গোজ্য। সিগুনোর পূজো ন-গোজ্য বা তারার্‌ মুজুঙোত্ মাদা ন-নিগিজ্য।