গীতসংহিতা 16:11 - Chakma Bible

¹¹ জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 16:11 Iomraidhean Croise

গীতসংহিতা 139:24

তুই চাহ্ মইদু এমন্ কিজু আঘে নাহি যিয়েনিয়ে দুখ্ দে; তুই মরে শেজ্ ন-ওইয়্যে জিংকানির পধেন্দি চালা।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

গীতসংহিতা 68:4

গোজেনর নাঙে গীদ্ গঅ, তার নাঙ্ গিনেদে-গীদ্ গঅ; ধূল্যেচর-চাগালান্দি যিবে রদথ্ চড়িনে এজের্ তাত্তে অজল্ পথ যুক্কোল্ গরঅ; তা নাঙান্ লগেপ্রভু, তা মুজুঙোত্ ফুত্তি গরঅ।

গম্ উপদেজ্ 12:28

ন্যায়র পধেদি জিংকানি থায়, সে পধেদি মরণ নেই।

গম্ উপদেজ্ 2:19

যিগুনে তাইদু যান্ তারা কনজনে আর্ ফিরি ন-এজন, তারা বাঁজিবার পথ্‌তান্ ন-পান।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

গম্ উপদেজ্ 5:6

জিংকানির ইন্দি যেবার পধ কধা তে চিদে চজ্জায়ো ন-গরে; তা আঢিবার পথ্‌তান বেঙা, মাত্তর্ তে সিয়েন হবর্ ন-পায়।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

মথি লেখ্যে গম্ হবর্ 25:33

তে নিজোর্ ডেনেদি ভেড়াগুনোরে আর বাঙেদি ছাগলুনোরে রাগেব।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 5:8

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

মথি লেখ্যে গম্ হবর্ 7:14

মাত্তর্ যে পথ্‌তানে জিংকানির ইন্দি নেযায় তার দোরান্অ চিবেচিপ্প্যে, পথ্‌তান চিবে। খুব কম্ মান্‌জ্যে সিয়েন তোগেইনে পান্।

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

প্রেরিত্‌ 2:28

জিংকানির পথ্‌‌তান্ তুই মরে জানেয়োচ্; তইধু থানা মানে হুজিয়্যে ভরা।

প্রেরিত্‌ 7:56

“চঅ, মুই দেগঙর্ স্বর্গগান খুলো আঘে আর গোজেনর্ ডেনেদি মান্‌জ্যপুয়োবো থিয়্যেই আঘে।”

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।