গীতসংহিতা 16:10 - Chakma Bible

¹⁰ কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 16:10 Iomraidhean Croise

ইয়োব 11:8

সিয়েনি যে আগাজত্তুন্‌‌অ অজল্‌ সিয়েন্‌ কি তুমি বুঝি পার? সিয়েনি গোর জাগার্‌ গভীনত্তুন্‌ বেশ্‌ গভীন্‌, তুই কি সিয়েন্‌ হবর্‌ পাজ্‌?

গীতসংহিতা 139:8

যুনি আগাজত্ যেইনে উদোং, সিদু তুই; যুনি পাদালত্ মঅ বিচ্ছোনান্ পাদং, সিদুয়ো তুই;

গীতসংহিতা 49:15

মাত্তর্ মরণর জাগাত্তুন্ গোজেনে উদ্ধোরর দাম দিইনে আমারে উদ্ধোর গুরি নেযেব; তে আমারে তার নিজো ইদু হামাক্কাই নেযেব।

গীতসংহিতা 9:17

যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

গম্ উপদেজ্ 15:11

লগেপ্রভু দঅ ভস্ত অনার্ জাগায়ান, অত্তাৎ মরণ জাগায়ান দেগে; সালে মান্‌জ্যর মনানি তে আরঅ কত্তমান্ বেশ্ গুরি তে দেগে!

গম্ উপদেজ্ 27:20

গোর জাগা আর নরগর্ যেধোক্ক্যেন কনদিন্অ ঈল্ ন-অয়, সেধোক্ক্যেন্ মান্‌‌জ্য চোগোর্‌‌অ ঈল্ ন-অয়।

যিশাইয় 14:9

তুই মরণ জাগাত্ এচ্চোস্ বিলিনে মরণ জাগার মানুচ্চুনে তঅ লগে দেগা গুরিবাত্তে অমকদ মাঢা ঠিগ্ নেইয়্যে ওইয়োন্। সেনত্তে মরাগুনোর্ আত্মাগান উদের্ যেন তারা তঅ লগে দেগা গুরি পারন্। যিগুনে এ সংসারর্ নেতা এলাক্ তারা বেক্কুনে উঠ্যন্; যিগুনে জাদ্‌তুনো উগুরে রাজা এলাক্ তারা বেক্কুনে তারা সিংহাসনত্তুন্ উঠ্যন্।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লেবীয় 19:28

মরা মানুচ্চুনোত্তে দুঘ্-ফগদাঙ্‌ গুরিবাত্তে যেইনে কিয়্যেগানর্‌ কনঅ জাগাত্‌ ঘা গরানা ন-চলিবো। কিয়্যেত্‌ কনঅ উল্‌কি-চিহ্নো দেনা ন-চলিবো। মুই লগেপ্রভু।

আমোষ 9:2

তারা মরণ জাগানর্ গভীন সং খুড়িনে সিদু গেলেয়ো মঅ আঢ্‌‌‌তানিয়ে সিত্তুন্ তারারে আনিবো। তারা আগাজ সং উদিলেয়ো সিত্তুন্ তারারে লামেই আনিম।

গণাণা 6:6

এ সময়ত্‌ তে কনঅ মরাকিয়্যের্‌ কায়কুরে যেই ন-পারিবো।

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 16:23

মরণ জাগাত্ অমকদ যন্ত্রণাত্ থেইনে তে উগুরেদি রিনি চেলঅ আর দূরোত্তুন্ অব্রাহাম আহ্ তা কুরে লাসাররে দেগিলো ।

লূকে লেখ্যে গম্ হবর্ 4:34

“ও নাসরত্ আদামর্ যীশু, আমা লগে তর্ কি দরকার্? তুই কি আমারে ভস্ত গুরিবাত্তে এচ্চ্যস্? মুই হবর্ পাং তুই কন্না; তুয়ই দঅ গোজেনর সেই পবিত্র মানুচ্চো।”

১ করিন্হীয় 15:42

মরাগুনোর্ জেদা ওই উদানায়ো ঠিগ্ সেবাবোত্যে। কিয়্যেগান্ কবর্ দেনার পরেদি সিয়েন বর্‌বাদ ওই যায়, মাত্তর্ সেই কিয়্যেগান এমন্‌ অবস্থায় জেদা গুরি তুলো অবঅ যিয়েন আর কনদিন্অ বর্‌বাদ ন-অবঅ।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 20:13

যিদুক্কুন মরা মানুচ্ সাগরত্ এলাক্, সাগরানে তারারে তুলি দিলো। ইয়েন বাদে মরণ আর চিদাখলাত্ যিদুক্কুন মরা মানুচ্ এলাক্, মরণ আর চিদাখলাগানিয়ে তারারে ফিরেই দিলো। পত্তিজনরে তার্ কাম মজিম বিচের্ গরা অলঅ।