গীতসংহিতা 15:5 - Chakma Bible

⁵ সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 15:5 Iomraidhean Croise

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 112:6

তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

গীতসংহিতা 16:8

মঅ চোখ্‌কুন আমিঝে লগেপ্রভু ইন্দি আগন্; তে মর্ ডেনেদি আঘে বিলি মুই থির্ থেম।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

যাত্রা 22:24

সেক্কে মর্ রাক্কান্‌ জুলি উদিবো আর তুমি যুদ্ধোত্‌ মারা পুড়িবা। সেনে তমা মোক্কুনে রানিমিলে অবাক্‌ আর পূঅ-ঝিগুনে তারার্‌ বাপ্পোরে আরেবাক্‌।

যাত্রা 22:25

মর্‌ কনঅ‌ নাদা মান্‌জ্যরে যুনি তুই‌ টেঙা উদোর্‌ দুয়োচ্‌ সালে তাগোয়্যে মান্‌জ্য ধোক্ক্যেন গুরি তাত্তুন্‌ কনঅ‌ সুদ ন-নেযেচ্।

গম্ উপদেজ্ 10:30

গোজেন ভক্ত মানুচ্চুনে আমিঝে অদে অদে থান্, মাত্তর্ পাজি মানুচ্চুনে দেজত্ বজত্তি গুরি ন-পারিবাক্।

গম্ উপদেজ্ 12:3

বজং কাম্বোই কনঅ মান্‌জ্যর জিংকানিত্ থিদেবর্ ন-এজে, মাত্তর্ গোজেন ভক্তগুনোর্ জিংকানির গড়াগান অদে অদে থায়।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিহিষ্কেল 18:17

তে নাঢাগুনোরে অত্যেচার ন-গরে আর কনঅ বাবদে সুদ্ ন-নেযায়। তে মর্ সুদোমানি রোক্ষ্যে গরে আর রীদি-সুদোমানি পালায়। তে তা বাবর্ পাপত্তে ন-মুরিবো; তে হামাক্কায় বাঁজিবো।

যিহিষ্কেল 18:27

মাত্তর্ যুনি এক্কো পাজি মানুচ্ তার ভান্ন্যেয়ত্তুন্ ফিরিনে ন্যায় আর গম্ কাম গরে, সালে তে তা পরাণান্ বাঁজেব।

যিহিষ্কেল 18:8

তে সুদি টেঙা উদোর্ ন-দে বা বেশ্ সুদ ন-নেযায়। তে অন্যেয় গরানাত্তুন্ আঢ্‌তানি সোরেই রাগায় আর মানুচ্চুনো ইধু গমেডালে বিচের্ গরে।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

মথি লেখ্যে গম্ হবর্ 26:15

আর পুযোর্ গুরিলো, “যুনি মুই বেঈমানী গুরিনে যীশুরে তমা আঢত্ ধুরি দুয়োং তুমি মরে কি দিবা?” আজল্ ধর্মগুরুগুনে তিরিচ্চো রুবোর টাকা গুণিনে তারে দিলাক্।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 23:21

তমার গোজেন লগেপ্রভু ইদু যুনি তুমি কনঅ মানত্‌ গরঅ সালে সিয়েন্‌ ছিরেদে দেরী ন-গোজ্য, কিত্যে তমা গোজেন লগেপ্রভু কনদিনঅ সিয়েন্ ইরি ন-দিবো। সিয়েন্‌ ন-ছিড়েলে তমার্‌ পাপ্‌ অবঅ;

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”