গীতসংহিতা 148:7 - Chakma Bible

⁷ পিত্‌থিমীত্ তুমি লগেপ্রভুরে নাঙ্ গিনো। ও সাগর দাঙর্ দাঙর্ প্রাণীগুন আর সাগর গভিন তলদেজত্ থেইয়্যে প্রাণিগুন, গোজেনরে নাঙ্ গিনো।

গীতসংহিতা 148:7 Iomraidhean Croise

পত্থম 1:21

এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

১ রাজাবলী 13:28

সে পরেন্দি তে যেইনে দেগিলোদে পথ্‌তান উগুরে কিয়্যেগান পড়ি আঘে আর তার্‌ কায়-কুরে থিয়্যেই আগেদে গাধা আর সিংহবো। সিংহবো সে মরাকিয়্যেগান ন-হায় আর গাধাবোরেয়ো আঘাত্‌ ন-গরে।

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌