গীতসংহিতা 146:9 - Chakma Bible

⁹ লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

গীতসংহিতা 146:9 Iomraidhean Croise

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 145:20

যিগুনে লগেপ্রভুরে কোচ্‌পান বেক্কুনোরে তে রোক্ক্যে গরে, মাত্তর্ বেক্ পাজিগুনোরে তে ভস্ত গুরি ফেলেব।

গীতসংহিতা 147:6

লগেপ্রভু নম্র মানুচ্চুনোরে ধুরি রাগায়, মাত্তর্ পাজি মানুচ্চুনোরে মাদিত্ ফেলেই দে।

গীতসংহিতা 18:26

গম্ মানুচ্চুনো সমারে গম্ বেবহার গর্, আর কুজুরোমিগুনোরে দেগা তর্ বুদ্ধির্ খেলা।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

গম্ উপদেজ্ 15:25

লগেপ্রভু বাড়্‌বো গুরিয়্যেগুনোর ঘরানি ভাঙি ফেলায়, মাত্তর্ তে রানিমিলে দুযিগান ঠিগ্ রাগায়।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিরমিয় 49:11

তমা মা-বাপ নেইয়্যে ঝি-পুয়োগুনোরে থোই যঅ; মুই তারার জিংকানিগানি রোক্ষ্যে গুরিম। তর্ রানিমিলেগুনেয়ো মঅ উগুরে বিশ্বেজ্ গোরোদোক্।”

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।