8 লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্পায়।
লগেপ্রভু গম্ বিলিনে ন্যায়র্ কামানি তে কোচ্পায়; যিগুনে খাটি তারা তা মুয়োন্ দেগিবাক্।
যিগুনে পড়দন্ লগেপ্রভু তারারে ধুরি রাগায়; যিগুনে লুঙি পোজ্যন্ তারারে তে তুলিনে ধরে।
লগেপ্রভু নম্র মানুচ্চুনোরে ধুরি রাগায়, মাত্তর্ পাজি মানুচ্চুনোরে মাদিত্ ফেলেই দে।
সেক্কে কান্ মানুচ্চুনোর চোগ্কুন খুলি যেবঅ, বরাগুনোর্ কানানি নাঢা যেইয়্যে ন-থেবঅ।
মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।
“ও বহ্রা মানুচ্চুন্, শুনো, আর কান্ মানুচ্চুন, তুমি রিনি চঅ।
তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।
আর তারার্ চোগ্কুন মিলি গেলঅ। যীশু অমকদ কড়াগুরিনে তারারে কলঅ,
বাবা নিজে দঅ তমারে কোচ্পায়, কিয়া তুমি মরে কোচ্পেইয়ো আর বিশ্বেজ্ গোজ্য যে, মুই বাবা গোজেনত্তুন্ এচ্চ্যং।
মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।
মুই আরঅ তবনা গরং যেন তমার মনর্ চোগ্কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।
“ঘেচ্চ্যেকগুরি তে তার নিজোর মানুচ্চুনোরে কোচ্পায়। পবিত্র দূত্তুনে তার অধীনোত্ আগন, তারা বেক্কুনে তা টেঙানিত্ মাদা নিগিরিনে আগন; তাত্তুনোই তারা উগুম পান্।
মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্রত্ ডাগি আন্ন্যে তুমি তারে গুণগীত্ গঅ।