গীতসংহিতা 142:4 - Chakma Bible

⁴ মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 142:4 Iomraidhean Croise

ইয়োব 11:20

মাত্তর্‌ শদানুনে উদ্ধোরর্‌ আজায় মিজে মিজে চেই থেবাক্‌, তারা কনঅ আশ্রয় ন-পেবাক্‌; শেজ্‌ নিজেশ্বো অবদে তারার্‌ আজা।”

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 140:6

ও লগেপ্রভু, মুই তরে কোইয়োং, “তুয়ই মর্ গোজেন।” ও লগেপ্রভু, মর্ কোজোলী গুরি কানানিগান তুই শুন্।

গীতসংহিতা 141:9

তারা মত্তে যে জালান্ পাত্যন্ সিয়েনত্তুন মরে রোক্ক্যে গর; অন্যেইগুরিয়্যেগুনোর্ পাদি রাগেয়্যে ফালত্তুন্ মরে রোক্ক্যে গর্।

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 31:11

শত্রুগুনে মরে চোগোশাল্ ইজেবে দেগদন্, মর্ সমাজ্যেগুনো ইদু সিয়েনি গোজ্যন্। চিনে পরিচয় মানুচ্চুনো ইদু মুই এক্কো দর্‍গরেপারা; মানুচ্চুনে মরে পদথ্ দেগিলে ধেই যান্।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 88:18

মঅ সমাজ্যে যিগুন, কোচ্‌পেইয়্যে যিগুন, তারারে তুই মত্তুন্ নেযেয়োচ্; ইক্কিনে আন্ধারানই মর্ সমাজ্যে।

গীতসংহিতা 88:8

মঅ নিজো মানুচ্চুনোরে মত্তুন্ তুই সোরেই নেযেয়োচ্; তারা ইদু তুই মরে ঈচ্ গরা হেইয়্যে গোজ্যস্। মুই আক্‌সো যেয়োং, নিগিলি এই ন-পারঙর্;

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

যিরমিয় 25:35

পালক্কুনোর ধেই যেবার পথ ন-থেবঅ; পালর নেতাগুনে কনজাগাত্ যেই ন-পারিবাক্।

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”