গীতসংহিতা 139:4 - Chakma Bible

⁴ ও লগেপ্রভু, কনঅ কধা মঅ মুয়োন্দি কবার্ আগেন্দি তুই সিয়েনি বেক্কানি হবর্ পাজ্।

গীতসংহিতা 139:4 Iomraidhean Croise

ইয়োব 38:2

ইবে কন্না, যে জ্ঞাননেইয়্যে কধালোই মর্ সল্লাগানরে সন্দেহ গরে?

ইয়োব 42:3

তুই পুযোর্ গোজ্যচ্ছে, ‘ইবে কন্না, যে ন-বুঝিনে মঅ উদ্দেশ্যগানরে ভিদিরে ভিদিরে রাগায়?’ এ কধাগান ঠিগ্ যে, মুই যিয়েন ন-বুঝোং সে পৌইদ্যেনে কধা কোইয়োং; সিয়েন এদক্ আমক্ অবার্ যে, মর্ বুঝোনার বারেদি।

ইয়োব 8:2

তুই আর কদক্কণ এ কধানি কোই কোই থেবে? তঅ কধানি ঝড় বোইয়্যের ধোক্ক্যেন্‌।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।