গীতসংহিতা 139:2 - Chakma Bible

² মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 139:2 Iomraidhean Croise

পত্থম 16:13

এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

২ রাজাবলী 19:27

মাত্তর্‌ তুই কুদু থাস্‌ কক্কে এজস্‌ বা যাচ্‌ আর কেধোক্ক্যেন গুরি মঅ বিরুদ্ধে রাগে ফুলি যাচ্‌, সিয়েনি বেক্কানি মুই হবর্‌ পাং।

২ রাজাবলী 6:12

তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

গীতসংহিতা 44:22

মাত্তর্ তো তত্তেই আমিঝে আমাত্তুন কেও কাররে মারে ফেলা অর্। ডালি দিয়্যে ভেড়া ধোক্ক্যেন মান্‌‌জ্যে আমারে মনে গরন্।

গীতসংহিতা 56:8

মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

গীতসংহিতা 94:11

লগেপ্রভু মান্‌জ্যর বেক্ মন কধানি হবর্ পায়; তে হবর্ পাইদ্যে, বেক্কানি ন-ফলিবো।

গম্ উপদেজ্ 15:3

লগেপ্রভুর চোগ্‌কুন বেক্কানিত্ আঘে; সিয়েনি গম্-ভান্ন্যেই মানুচ্চুনো উগুরে খিয়েল্ আঘে।

যিশাইয় 37:28

মাত্তর্ তুই কুদু থাচ্ আর কক্কে এজস্ বা যাচ্ আর কেধোক্ক্যেন্ গুরি মঅ বিরুদ্ধে রাগ্ গরচ্ সিয়েনি বেক্কানি মুই হবর্ পাং।

যিহিষ্কেল 11:5

সে পরেদি লগেপ্রভুর আত্মাগান মঅ উগুরে এলঅ, আর তে মরে এ কধাগান কবাত্তে কলঅ, লগেপ্রভু কোইয়্যেদে, ও ইস্রায়েলীয়গুন, তুমি সে কধাগান কত্তে, মাত্তর্ তমা মনত্ কি আঘে সিয়েন মুই হবর্ পাঙ।

যিহিষ্কেল 38:17

মুই প্রভু লগেপ্রভু কঙর্, পুরোণি কালত্ মঅ চাগরুনোর্, অত্তাৎ ইস্রায়েল ভাববাদীগুনোর মাধ্যমে মুই যিবে কধা কোইয়োং সিবে কি তুই নয়? সে অক্তত্ বজরর্ পর পর ভাববাদিগুনে কোইয়োন, মুই তরে তারা বিরুদ্ধে আনিম।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

লূকে লেখ্যে গম্ হবর্ 9:47

যীশু হবর্ পেদঅ তারা কি চিন্তে গরদন্, সেনত্যে এক্কো চিগোন্ গুড়োরে নেযেইনে তা কায়কুরে থিয়্যেই রাগেল।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”