গীতসংহিতা 139:19 - Chakma Bible

¹⁹ ও গোজেন, মুই চাং তুই পাজিগুনোরে মারে ফেলা। ও লো চুজি হেইয়্যে মানুচ্চুন্, মত্তুন্ দূর্ ওই যহ্।

গীতসংহিতা 139:19 Iomraidhean Croise

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 6:8

ও বজং কাম্ গুরি বেড়েয়্যে মানুচ্চুন, তুমি বেক্কুনে মঅ কায়-কুরেত্তুন দূর্ ওই যঅ, কিয়া লগেপ্রভু মঅ কানানিগান শুন্যে।

গীতসংহিতা 64:7

মাত্তর্ গোজেনে তারা উগুরে সেল মারিবো; আদিক্ক্যেন্‌গুরি সেল্লো ফুদিনে তারা পড়ি যেবাক্।

গীতসংহিতা 9:17

যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

গীতসংহিতা 9:18

নাদা মানুচ্চুনোরে উমরত্তে ভুলি গেলে ন-অবঅ; তারার্ আজানি কনদিন্‌‌অ পূরোণ ন-থেবঅ।

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 7:23

সে পরেদি মুই তারারে কোলুং, মুই তমারে কনদিন্অ ন-চিনোং। পাজি মানুচ্চুন! মঅ কায়-কুরেত্তুন তুমি দূর্ অ।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”