গীতসংহিতা 136:1 - Chakma Bible

¹ লগেপ্রভুরে ভালেদি জানঅ, কিত্তে তে গম্; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 136:1 Iomraidhean Croise

১ বংশধর 16:34

তুমি লগেপ্রভুরে ভালেদি জানঅ, কিত্তে তে ভালেদিগান চায়; তার্‌ জদবদে কোচ্‌পানাগান উমরত্যে থিদেবর্‌।

১ বংশধর 16:41

তারা সমারে এলাক্‌ হেমন, যিদূথূন আর বাদবাগি মানুচ্চুনে, যিগুনো নাঙানি গিনিনে বেঈ নেযা ওইয়্যে যেনে তারা লগেপ্রভুর জিংকানিবর্‌ থুম্‌ ন-ওইয়্যে কোচ্‌পানাত্তে তারে ভালেদি জানে পারন্‌।

২ বংশধর 20:21

যিহোশাফটে মানুচ্চুনো লগে সল্লা গুরিনে লগেপ্রভুর নাঙে গান্‌ আর তার্‌ মহিমাবলা পবিত্রগানর বাঈনী গুরিবাত্তে মানুচ্চুনোরে নেযেল যেনে তারা সৈন্যদলুনোর আগে আগে এ কধাগান কোই কোই যান্‌, “লগেপ্রভুরে ভালেদি জানঅ, কিত্তে তার্‌ কোচ্‌পানাগান উমরত্তে থিদেবর্ গোজ্যে।”

২ বংশধর 7:3

আগুনান্‌ লামি এত্তে দেগিনে আর তবনা-ঘর উগুরে লগেপ্রভুর মহিমা দেগিনে বেক্‌ ইস্রায়েলীয়গুনে পাত্তর্‌লোই বান্যে উদোনত্‌ আদু পাড়ি পড়িনে লগেপ্রভুরে তারার্‌ মন ভোক্তি জানেলাক্‌ আর ইয়েন্‌ কোইনে তারে নাঙ্ গিনিলাক্‌, “তে মংগলময়; তার্‌ কোচ্‌পানাগান্‌ উমরত্তে।”

২ বংশধর 7:6

ধর্মগুরুগুনে তারা জাগানত্‌ যেইনে থিয়্যেলাক্‌ আর লেবীয়গুনেয়ো লগেপ্রভুর নাঙে বাজেবাত্তে বাজানাগুন্‌ লোইনে তারা জাগানত্‌ যেইনে থিয়্যেলাক্‌। লেবীয়গুনোর মুজুঙো-মুজুঙি থিয়্যেইনে ধর্মগুরুগুনে তারার্‌ তূরীগুন্‌ বাজেলাক্‌ আর ইস্রায়েলীয়গুনে বেক্কুনেই থিয়্যেই রলাক্‌। লেবীয়গুনোর এ বাজানাগুন্‌ রাজা দায়ূদে লগেপ্রভুর বাঈনী গুরিবাত্তে বানেয়্যে আর সিগুন যেক্কেনে বাজেদাক্‌ তে লগেপ্রভুরে নাঙ্‌ গিনিনে কদঅ, “তার্‌ কোচ্‌পানাগান্‌ উমরত্তে।”

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

গীতসংহিতা 100:5

লগেপ্রভু মংগলময়, তার কোচ্‌পানা উমরত্যে থিদেবর্; তার বিশ্বেজ্‌ছান বংশর পর বংশ ধুরি চলে।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 105:1

লগেপ্রভুরে ভালেদি জানঅ, তা গুণো কধা ফগদাঙ্ গরঅ; তা কাম কধা অন্য জাদ্‌তুনোরে জানঅ।

গীতসংহিতা 106:1

লগেপ্রভুরে নাঙ্ গিনে ওক্। তুমি লগেপ্রভুরে ভালেদি জানঅ, কিত্তে তে ভালেদি গরে; তার কোচ্‌পানাগান উমরত্তে।

গীতসংহিতা 107:1

“তুমি লগেপ্রভুরে ভালেদি জানঅ, কিত্তে তে অমকদ গম; তার অমকদ কোচ্‌পানাগান জিংকানিবর্ থিদেবর্ গোজ্যে।”-

গীতসংহিতা 118:1

লগেপ্রভুরে ভালেদি জানঅ, কিত্তে তে গম্; তার অমকদ কোচ্‌পানাগান উমরত্যে থিদেবর্ গোজ্যে।

গীতসংহিতা 119:68

তুই গম্ আর ভালেদি গুরি থাচ্; তর্ সুদোমানি মরে শিগেই দে।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

যিহূদা 1:21

আমার প্রভু যীশু খ্রীষ্টর্ দোয়্যেগানে যেনে তমারে উমর্‌অ জিংকানিত্ নেযায় সিয়েনরে বাজ্জ্যেইনে তুমি গোজেনর্ কোচ্‌পানাত্ থাগঅ।