গীতসংহিতা 13:3 - Chakma Bible

³ ও মর্ গোজেন লগেপ্রভু, মন্দি চাহ্, মরে জোব্ দে; মঅ বলান্ ফিরেই দে, ধগেনলে মঅ উগুরে এবদে মরণ ঘুমান্।

গীতসংহিতা 13:3 Iomraidhean Croise

ইষ্রা 9:8

মাত্তর্ ইক্কিনে কানক্কনত্তে আমা গোজেন লগেপ্রভু দোয়্যে গুরিনে আমা কিজু মান্‌‌জ্যরে জেদা রাগেয়্যে আর তার্ সুদ্ধো-সাংগ দেজত্ আমারে এক্কান থিদেবর্ গোজ্যে জাগা দিয়্যে। এবাবোত্যেগুরি আমা গোজেনে আমারে হুজি অনাগান্ ফিরেই দিয়্যে আর আমা চাগর্ খাদানাত্তুন্ আমারে এক্কানা পরাণান্ জুড়েই দিয়্যে।

গীতসংহিতা 119:153

মর্ দুঘ্‌কান্ চাহ্, মরে রোক্ক্যে গর্, কিত্তে মুই তঅ উগুমান্ ভুলি ন-যাং।

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 25:19

রিনি চাহ্, মর্ শত্রু কুদুক্কুন; তারা মরে কি জদবদে ঘিনান্।

গীতসংহিতা 31:7

তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 5:1

ও লগেপ্রভু, মঅ কধা শুনিচ্, মঅ মনর্ কোজোলিগান চাহ্।

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

যিরমিয় 51:39

তারা রাগ্ গুরিলে পরেদি মুই তারাত্তে এক্কো মেইট্‌বানর্ বেবস্থা গুরিম। মুই তারারে মাত্তল্ গুরিম যেন তারা হুজিয়ে নাজি উদোন্, সে পরেদি উমরত্তে ঘুমোন্, কনদিন্‌অ ন‌‌‌-জাগন।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

১ শমূয়েল 14:27

যোনাথনে ন-শুনে, তা বাপ্পো মানুচ্চুনোরে এধোক্ক্যেন এক্কান শমক্‌ খাবেয়্যে। সেনত্তে তে তার আঢঅ লুদিক্কোর আগাগান বাবেইনে মুবাগানত্ গুদেল আর মধু আঢেত্‌ নেযেইনে খা ধুরিলো। সেক্কে তা কিয়্যেত্‌ বল্‌ ফিরি এলঅ।

১ শমূয়েল 14:29

সেক্কে যোনাথনে কলঅ, “মর্‌ বাপ্পো দঅ মানুচ্চুনোরে দুখ্‌ দের্‌। চঅ, এই মধুগান এক্কেনাগুরি মুয়োত্‌ দেনার লগে লগে মর্‌ কিয়্যেত্‌ কেনজান্‌ বল্‌ ফিরি এচ্চ্যে।