গীতসংহিতা 13:1 - Chakma Bible

¹ ও লগেপ্রভু, আর কয়দিন? জনমত্তে কি তুই মরে ভুলিনে থেবে? মঅ মুজুঙোত্তুন্ আর কয়দিন তুই তর্ মুয়োন্ ফিরেই রাগেবে?

গীতসংহিতা 13:1 Iomraidhean Croise

ইয়োব 13:24

কিত্তেই তুই মুয়োন্‌ লুগেই রাগেয়োচ্‌ আর মরে শত্রু বিলিনে মনে গরর্‌?

গীতসংহিতা 10:12

ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 35:17

ও প্রভু, আর কয়দিন তুই ইয়েনি দেগেবে? তারার্ অত্যেচারত্তুন্ মরে রোক্ষ্যে গর্; এ সিংহগুনো আঢত্তুন্ মর্ মূল্যবান জিংকানিগান বাঁজা।

গীতসংহিতা 44:24

কিত্তেই তর্ মুয়োন তুই ফিরেই রাগেয়োচ্? আমা দুঘোর আর অত্যেচারর্ কধানি কিত্তেই ভুলি যেইয়োচ্?

গীতসংহিতা 6:3

আর পরাণানত্ অমকদ দর্‌বুগ্ লাক্যে। ও লগেপ্রভু, আর কয়দিন সেধোক্ক্যেন্ অবঅ?

গীতসংহিতা 74:1

ও গোজেন, তুই উমরত্যে কিত্তে আমারে ফেলেই যেয়োচ্? তর্ চড়েদে জাগানর্ ভেড়াগুনোর বিরুদ্ধে কিত্তে তর্ রাগর আগুনান্ ধূমেই উদের্?

গীতসংহিতা 80:4

ও বেগত্তুন খেমতাবলা লগেপ্রভু গোজেন, তঅ মানুচ্চুনোর তবনাগানিলোই আর কয়দিন তুই বেজার ওই থেবে?

গীতসংহিতা 85:5

উমরত্যে কি তুই আমা উগুরে তর্ রাগ্‌কান অদে অদে রাগেবে? বংশর পর বংশ ধুরি কি তুই জদবদে গুরি বেজার্ ওই থেবে?

গীতসংহিতা 89:46

ও লগেপ্রভু, আর কয়দিন? জিংকানিবর্ কি তুই নিজোরে লুগেই রাগেবে? আর কয়দিন তঅ রাগ্‌কান আগুনো ধোক্ক্যেন জুলিবো?

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

যিশাইয় 59:2

মাত্তর্ তমা ভান্ন্যেয়ানিয়ে লগেপ্রভুত্তুন্ তমারে ফারগ্ গুরি দিয়্যে। তমা পাপত্তে তে তা মুয়োন তমাত্তুন্ ফিরেই নেযেয়্যে; সেনত্তে তে ন-শুনে।

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।