গীতসংহিতা 128:2 - Chakma Bible

² তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 128:2 Iomraidhean Croise

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 109:11

মাজন্ মানুচ্চুনে বেক্কানি নেযাদোক্; অন্য মানুচ্চুনে তারার কামর ফলুন্ লুদেই নেযাদোক্।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিরমিয় 22:15

ভালোক্কুন এরস গাজ্ থেলে কি সিগুনে তরে রাজা বানেবাক্? তঅ বাবে যুনিয়ো গমেডালে হানা-দানা গুরিদো তো যিয়েন ঠিগ্ আরে ন্যায্য তে সিয়েন গুরিদো বিলি তা অক্তত্ বেক্কানি গমে চলিদো।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

ইফিষীয় 6:3

যেন তর্ মংগল অয় আর তুই ভালোক্ দিন সং এ পিত্‌থিমীত বাঁজি থেই পারচ।”

দ্বি’লম্বর বিররণ 28:11

যে দেজছান তমারে দিবো বিলিনে লগেপ্রভু তমার পুরোণি মানুচ্চুনো ইদু শমক্‌ গোজ্যে সেই দেজত্‌ তে তমারে বোউত দান গুরিবো, অত্তাৎ তে তমার গিরির্ বোউত ঝি-পূঅরে, য়েমান পালত্‌ ভালোক্কুন্‌ ছঅ আর ক্ষেদত্‌ ভালোক্কুন ফসল দিবো।

দ্বি’লম্বর বিররণ 28:39

তুমি আংগুর ক্ষেত গুরিবা আর সিগুনোর যত্তনঅ নেযেবা তো পুগ্‌কুনে তার ফল্লো হেই ফেলেবাক বিলিনে তুমি সিবে তুলিয়ো ন-পারিবা আর তার্‌ রসছানঅ হেই ন-পারিবা।

দ্বি’লম্বর বিররণ 28:4

তুমি আশিদ্‌বাদ পেবা যার কারনে তমার গিরির্ বোউত ঝি-পূঅ, ক্ষেদত বোউত ফসল আর গোরু-ছাগল-ভেড়া পালর ভালোক্কুন ছঅ অবাক্।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।

দ্বি’লম্বর বিররণ 28:8

তমার গোলাঘর উগুরে লগেপ্রভুর আশিদ্‌বাদ থেবঅ আর যে কামানিত্‌ তুমি আত্ দিবা সিয়োদোই তে আশিদ্‌বাদ গুরিবো। তমার গোজেন লগেপ্রভু তার দিয়্যে দেজত্‌ তমারে আশিদ্‌বাদ গুরিবো।