গীতসংহিতা 127:3 - Chakma Bible

³ পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গীতসংহিতা 127:3 Iomraidhean Croise

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 24:60

তারা রিবিকারে বর্ দিইনে কলাক্, “বোন, তুই ভালোক্কুন ঝি-পুয়োর্‌ মা ওস্‌। তর্‌ ঝি-পুয়োগুন্‌ যেনে শত্রুগুনোর্‌ বেক্‌ শঅরানি জিদিনে নেযেই-পারন্‌।”

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

পত্থম 4:1

আদমে তা মোক্কো হবা ইধু গেলে হবা পিদিলী অলঅ, আর কয়িন নাঙে তার এক্কো পুয়ো অলঅ। সেক্কে হবা কলঅ, “লগেপ্রভু মরে এক্কো মরদ্‌ পুয়ো দিলো।”

পত্থম 48:4

তে মরে কোইয়্যেদে, মুই তরে ভালোক্কুন্‌ পুয়োর্‌ বাব্‌ অবার্‌ খেমতা দিলুং আর তঅ বংশর্‌ মানুচ্চুনোরে বাড়েই দিম। মুই তঅ ভিদিরেত্তুন্‌ ভালোক্কুন্‌ গুট্টির্‌ জাদ্ বানেম, আর তঅ পরেদি এ দেজ্‌ছান্‌ মুই উমরর্‌ সোম্বোত্তি ইজেবে তঅ বংশর্‌ মানুচ্চুনোরে দিম।

২ শমূয়েল 3:5

ছঅ লম্বর পূঅবোর্‌ নাঙান্‌ যিত্রিয়ম; তে অলদে দায়ূদোর মোগ্‌ ইগ্‌লার পূঅ। দায়ূদোর এ বেক্‌ পূঅগুন জর্ম ওইয়োন্‌ হিব্রোণত।

১ বংশধর 28:5

লগেপ্রভু মরে ভালোক্কুন্‌ পুয়ো দিয়্যে, আর সে পুয়োগুনো ভিদিরে লগেপ্রভুর রেজ্যগান্‌ ইস্রায়েল সিংহাসনত্‌ বোজেবাত্তে তে মঅ পুয়োবো শলোমনরে বেঈ লোইয়্যে।

১ বংশধর 8:40

ঊলম পুয়োগুন বোলী যোদ্ধা এলাক্‌। ইগুনে ধনু মারানা বেবহার জানিদাক্‌। তারার্‌ ভালোক্কুন্‌ পুয়ো আর নাদিন্‌ এলাক্‌। তারা জনেদি এলাক্কে একশঅ পঞ্চাশ জন।

ইয়োব 1:2

তার্‌ সাত্‌তো পূঅ আর তিন্নো ঝি এলঅ‌।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

দ্বি’লম্বর বিররণ 28:11

যে দেজছান তমারে দিবো বিলিনে লগেপ্রভু তমার পুরোণি মানুচ্চুনো ইদু শমক্‌ গোজ্যে সেই দেজত্‌ তে তমারে বোউত দান গুরিবো, অত্তাৎ তে তমার গিরির্ বোউত ঝি-পূঅরে, য়েমান পালত্‌ ভালোক্কুন্‌ ছঅ আর ক্ষেদত্‌ ভালোক্কুন ফসল দিবো।

দ্বি’লম্বর বিররণ 28:4

তুমি আশিদ্‌বাদ পেবা যার কারনে তমার গিরির্ বোউত ঝি-পূঅ, ক্ষেদত বোউত ফসল আর গোরু-ছাগল-ভেড়া পালর ভালোক্কুন ছঅ অবাক্।

বিচের গুরিয়্যেগুন 12:9

তার তিরিশশো পূঅ আর তিরিশশো ঝি এলাক্‌। তে নিজো গুট্টির্‌ বারেন্দি তা ঝিগুনোরে বৌ দিলো আর অন্য গুট্টিত্তুন্‌ তা পূঅগুনোর বৌ ইজেবে তিরিশশো গাবুজ্যে মিলে আনিলো। ইব্‌সনে সাত বজর সং ইস্রায়েলীয়গুনোর শাজন্‌গুরিয়্যে এলঅ।

১ শমূয়েল 1:27

মুই এই পূঅবোরে চেইনেই তবনা গোজ্যং, আর লগেপ্রভুর ইদু যিয়েন চেইয়োং সিয়েন তে মরে দিয়্যে।